O Concello de Culleredo abrirá o vindeiro luns, 9 de setembro o prazo de preinscrición para as Escolas Municipais culturais e deportivas 2024/2025. Poderán formalizarse ata o 16 de setembro; a lista de persoas preinscritas publicarase o 19 e o sorteo público de prazas será o día 25 deste mes.

Info completa aquí

Queres formar parte dos clubs de lectura das bibliotecas de Culleredo? Pois ben, o proceso de inscrición comeza o vindeiro luns, 2 de setembro. Poderás facelo en persoa na do Burgo, así como no enderezo electrónico bibliotecas.municipais@culleredo.es ou no teléfono 981 66 55 97.

O goberno de Culleredo iniciou o desenvolvemento da iniciativa ‘CulleredoVivo Vive’, que dá continuidade á anterior EDUSI (Estratexia de Desenvolvemento Urbano Sostible e Integrado), denominada CulleredoVivo. O Concello está a impulsar así a súa Axenda Urbana a través desta Estratexia Territorial Integrada (ETI) e o punto de partida é a confección dun Plan de Acción Integrado (PAI) que marcará a folla de ruta e posibilitará optar ao financiamento do Fondo Europeo de Desenvolvemento Rexional (FEDER). Este plan, con participación cidadá, busca un desenvolvemento sostible nunha tripla dimensión ambiental, económica e social. 

O alcalde de Culleredo, José Ramón Rioboo, e a primeira tenente de alcalde, Cristina Pardo, recibiron esta mañá a Francisco Gómez, novo tenente do posto principal da Garda Civil no municipio.

O Concello establece un operativo especial de seguridade con motivo das Festas de Vilaboa, que se desenvolven desde o 12 ao 15 de xullo. Un posto de mando avanzado con cámaras de videovixilancia será unha das novidades. Ademais haberá un dispositivo de tráfico con zonas para os peóns e cortes de tráfico cada xornada.

O Concello de Culleredo organiza a IV edición do ciclo Entreculturas, con propostas de diferentes disciplinas artísticas para todos os públicos.

O alcalde de Culleredo e o presidente da Deputación da Coruña visitaron hoxe as instalacións do CETIM, no polígono de Alvedro, unha fundación en crecemento no sector da innovación e a investigación. Apostan polo proxecto de centro de economía circular na antiga Cros.

Culleredo converterase un ano máis no epicentro da música jazz de Galicia acollendo a XXIII edición do Festival Burgojazz. A cita será, como é habitual, no Xardín Botánico do Burgo, do 5 ao 8 de xullo.