ES / GL

O alcalde de Culleredo destaca o exemplo da veciñanza e dos efectivos de seguridade ante o apagamento

29 Abril, 2025. 12:17

Alcaldía

O Concello de Culleredo activou onte aos poucos minutos do apagamento un operativo especial para atender á cidadanía ante o complexo contexto.

O alcalde, José Ramón Rioboo, quere agradecer en nome do Concello o exemplo absoluto de civismo demostrado pola veciñanza de Culleredo unha vez máis ante unha situación difícil e excepcional.

A nivel de seguridade, reforzáronse as quendas da Policía Local. A noite transcorreu sen incidencias reseñables.

Tamén se contou co traballo de numerosos voluntarios e voluntarias de Protección Civil, que colaboraron en servizos como a asistencia a domicilios.

O alcalde destaca a dedicación e esforzo levado a cabo polos distintos efectivos de seguridade para ampliar a atención ao cidadán neste contexto mostrando o seu carácter esencial de servizo público.

O Concello mantivo así mesmo unha comunicación coa coordinadora do Sergas no municipio para apoiar con xeradores actividades asistenciais en domicilio ou calquera outra cuestión, algo que finalmente non foi necesario.

O alcalde falou co director do aeroporto de Alvedro, que lle informou que funcionaba adecuadamente co seu grupo electróxeno.

As actividades municipais retómanse hoxe para facilitar a conciliación