O Concello de Culleredo pon en marcha unha nova edición do programa de Actividades Municipais Culturais e Deportivas, que no curso 2026/2027 volverá levar obradoiros e clases aos distintos núcleos do municipio. A iniciativa, que conta coa colaboración da Deputación da Coruña, arrancará durante a primeira quincena de outubro.

O 12 de agosto, Culleredo vivirá un momento histórico que non se repetirá nas nosas vidas: unha eclipse total de Sol. Para garantir que a veciñanza e os visitantes poidan gozar deste grande espectáculo astronómico con total seguridade, o Concello vén de publicar unha guía cos horarios precisos e as recomendacións clave para a xornada.

A xira 2026 dos Mojinos Escozíos fará parada no paseo marítimo do Burgo o vindeiro venres 3 de xullo a partir das 23.00 horas.

Os veciños e veciñas de Culleredo que queiran organizar unha lumarada, sardiñada ou churrascada na noite de San Xoán poden comunicalo ao Concello ata o vindeiro 20 de xuño. O alcalde, José Ramón Rioboo, fixo público un bando no que regula diversos aspectos do desenvolvemento das tradicionais cacharelas.

O Concello de Culleredo e o CEIP Ría do Burgo organizan a oitava edición de Cullerciencia, unha feira xa consolidada en Galicia e que reúne cada ano a centos de visitantes. Será o vindeiro sábado, 6 de xuño, no paseo marítimo do Burgo, e nesta ocasión chega cun horario ampliado, de 12:00 a 20:00 horas, para propiciar que os visitantes gocen de todos os proxectos.

O Concello de Culleredo, a través do Centro de Información e Participación Xuvenil (CIPAX), pon en marcha a segunda edición do seu concurso de booktrailers, unha iniciativa que combina literatura, cinema e creatividade co gallo do Día das Letras Galegas 2026.

O Concello de Culleredo volve facilitar a conciliación das familias este verán coas Mañás de Campamento. Con esta proposta, as nenas e nenos poderán gozar de todo tipo de actividades de convivencia do 22 de xuño ao 28 de agosto, durante as vacacións escolares.