ES / GL

Culleredo celebrará o Día da Muller Rural o 17 de outubro no parque da Torre de Celas

9 Outubro, 2026. 17:00

Benestar Social

O parque da Torre de Celas acollerá o vindeiro sábado 17 de outubro a celebración do Día da Muller Rural en Culleredo. A xornada, organizada polo Concello coa colaboración da asociación As Berenguelas, renderá homenaxe ao papel das mulleres no desenvolvemento e a vida do rural.

O programa arrincará ás 13:00 horas coas actuacións de Pan sen Fron, Xilbatuxeiras, Larpeiros de Altamira e Cantares dos Pendellos. Tras elas, a música continuará cunha foliada libre aberta á participación de todas as asistentes.

O recinto contará tamén con postos de artesanía. A celebración desenvolverase nun espazo cuberto, polo que poderá levar a cabo con normalidade independentemente da climatoloxía.

Comida popular

Un dos momentos centrais da xornada será a comida popular. O menú inclúe paella (mixta ou vegana), empanadilla, torta de Santiago, pan e viño ou auga, por un prezo de 13 euros. A venda de tickets é anticipada e estará aberta ata o xoves 15 de outubro. As persoas interesadas poden reservar chamando ao teléfono 622 347 788.

Con esta iniciativa, o Concello de Culleredo persegue visibilizar o papel da muller rural e a súa relevancia na cultura tradicional galega. A cita coincide coa conmemoración do Día Internacional das Mulleres Rurais, que se celebra cada 15 de outubro.