Área de Presidencia

Á área de Presidencia correspóndelle a coordinación das diferentes áreas municipais, as relacións institucionais, protocolo, planificación estratéxica, comunicación social (web municipal, redes sociais, radio e periódico municipais).
Ocúpase esta área da planificación estratéxica, mobilidade e transporte.
Correspóndenlle tamén a esta área todas aquelas materias non asignadas expresamente a outra área de goberno.

Corresponderá á Alcaldía, a través da Área de Presidencia, a coordinación do funcionamento das áreas municipais, así como a resolución das cuestións que xurdan en torno á adscrición a unha área determinada dunha concreta materia.

Área de Política social, Mocidade e Promoción do Deporte

Esta área xestiona as competencias municipais en materia de prestación de servizos asistenciais aos cidadáns, de atención ás situacións de marxinación e exclusión social, medidas de integración social, programas de inserción laboral, políticas de muller e atención aos maiores. Correspóndelle a esta área tamén as políticas municipais de igualdade entre homes e mulleres e e contra a violencia de xénero.
Nos campos de sanidade intégranse nesta área as políticas municipais de protección da salubridade pública, cemiterios e actividades funerarias.
Ocúpase esta área do voluntariado.
Tamén xestiona as políticas municipais en materia de promoción do deporte, instalacións deportivas, as relacións con clubes, entidades e asociacións deportivas, así como a relación coas federacións deportivas.
Xestiona tamén as políticas municipais de ocupación do tempo libre dirixidas á mocidade, a programación de actividades e das infraestruturas e as relacións con entidades xuvenís .

Área de Urbanismo

Esta área comprende a xestión das competencias municipais sobre a ordenación do territorio e o urbanismo, cuestións relativas a plans e instrumentos de ordenación urbanística, xestión urbanística, concesión de licenzas urbanísticas e de actividades, comunicacións previas e declaracións responsables de obras e actividades, disciplina urbanística, expropiacións por razóns de urbanismo, redacción de instrumentos de ordenación urbanística.

Área de Seguridade Cidadá e Persoal

A esta Área correspóndelle a xestión da seguridade cidadá, control e ordenación do tráfico en vías urbanas, emerxencias , protección civil, policía local.
No eido de persoal correspóndelle a xestión de persoal, os aspectos relativos á organización do Concello e ós métodos de traballo.

Área de Desenvolvemento local, Cultura, Festas e Turismo

Área de Facenda, Patrimonio e Administración electrónica

A esta área correspóndelle a preparación dos orzamentos, o seguimento e control dos orzamentos, política fiscal, preparación de ordenanzas fiscais e prezos públicos, seguimento e control de investimentos, autorización, disposición de gastos, recoñecemento de obrigas e ordenación de pagamentos, así como da aprobación das liquidacións de ingresos.
Correspóndelle tamén o impulso e difusión do uso das tecnoloxías da información e a Administración electrónica, a promoción e implementación das TIC de xeito transversal, o control de ferramentas tecnolóxicas hardware e software a coordinación do funcionamento da Administración municipal, a axilización da tramitación de procedementos .
Correspóndelle tamén a xestión patrimonial do Concello, inventario de bens, dereitos e obrigas, administración e defensa do patrimonio municipal.
No eido da contratación esta área asume a xestión dos procedementos de contratación do Concello.

Área de Medio Ambiente, Obras e Servizos

No eido dos servizos xestiona os servizos básicos municipais, ciclo da auga, recollida de residuos, limpeza de vías públicas, alumeado público. Inclúese o mantemento de vías públicas e infraestruturas urbanas (mobiliario urbano, redes de servizos...), a inspección e control de servizos públicos que se prestan a través de terceiros, o mantemento e conservación de parques, xardíns e zonas verdes, así como o mantemento de edificios e instalacións municipais, a xestión da utilización da vía pública , as autorizacións relativas á posesión de animais potencialmente perigosos.
No eido do medio ambiente correspóndelle a xestión das políticas municipais de medio ambiente.
Asemade correspóndelle a planificación das obras municipais, a preparación dos plans de obras e a aprobación de proxectos de obras de nova planta.