Os clubs deportivos de Culleredo reciben 78.656,92 euros nos programas de subvencións da Deputación da Coruña para a promoción do deporte. Son beneficiarias todas as entidades que solicitaron axuda nesta iniciativa do goberno provincial.

Son dúas as convocatorias que acaba de resolver a institución provincial. A primeira ten por obxecto promocionar aos clubs con equipos ou deportistas que participen en competición federada de ámbito nacional ou internacional neste ano.

Nesta convocatoria fixeron solicitude e resultaron beneficiarios os seguintes clubs:

• Club Baloncesto Culleredo, con 27.761,23 euros
• Gallaecia Raid, con 5.761,23 euros
• Yacar Racing, con 5.761,23 euros
• Culleredo Karting Team, con 5.761,23 euros
• No Sport Limit, con 4.480 euros

Na segunda das convocatorias, dirixida a entidades con equipos ou deportistas que participen en competición federada de ámbito local, provincial ou autonómico en 2026, son beneficiarias:

• Sporting Burgo, con 4.500 euros
• Portazgo SD, con 4.500 euros
• UDJ Almeiras, con 4.500 euros
• Olímpico de Rutis, con 4.500 euros
• Club Natación Culleredo, con 4.500 euros
• Club Aguamarina Sincro, con 3.752 euros
• Club Joker Grappling Jiu Jitsu e MMA, con 2.880 euros

As subvencións permitirán aos clubs afrontar na tempada os gastos máis habituais.  No caso dos equipos que compiten fóra de Galicia, o financiamento servirá para desprazamentos, aloxamentos, servizos médicos especializados e seguros de responsabilidade civil.

Esta contía de 78.656,92 euros de axudas da Deputación únense aos 200.000 concedidos polo Concello de Culleredo para actividades dos dous últimos anos. O goberno local publicará este ano unha nova convocatoria para seguir apoiando a actividade esencial dos clubs, co deporte como vehículo de cohesión social.