O Teatro do Andamio ofrece dúas obras en Culleredo
Serán no Conservatorio Municipal con entrada libre e gratuita. A primeira será o martes 22 e a segunda o 29. Ambas as dúas comezarán ás 19:30 horas.
O Concello programa novas actuacións de eficiencia enerxética
O Concello de Culleredo ampliará as zonas do paseo marítimo do Burgo con iluminación de tipo LED. Actualmente este tipo de iluminación xa existe na contorna do xardín botánico e o goberno local levarao á primeira fase do paseo, é dicir, á zona dos Templarios, xunto á ponte romana.
Cambios nas mesas electorais do Burgo para as eleccións do 20 de decembro
O Concello de Culleredo informa das modificacións na situación en mesas electorais do Burgo para as eleccións xerais do vindeiro domingo 20 de decembro. Os cambios están motivados polas obras que se están a realizar no Edificio de Servizos Múltiples.
Concluída a modernización do parque infantil de Celas
O parque da Torre de Celas, un dos espazos verdes de referencia en Culleredo, xa conta con renovado parque infantil. O Concello acaba de concluír os traballos, incluídos no seu amplo plan de mellora das instalacións infantís.
Culleredo forma no running aos veciños de man de deportistas de primeiro nivel
Dous dos principais runners españois levarán o running aos cullerdenses. O Concello de Culleredo, coa colaboración da asociación Castelo Deporte, organiza mañá, venres 11, e o vindeiro martes 15 o programa "Corre Culleredo!".
O Concello concede subvención ás asociacións de todos os ámbitos
O Concello de Culleredo concede axudas económicas a todas as asociacións radicadas no municipio. O alcalde de Culleredo, Julio Sacristán, firmou nun acto no consistorio os convenios coas 77 entidades de todos os ámbitos que traballan no municipio.
Comunicado sobre o posible caso de meninxite no CEIP Sofía Casanova
O Concello de Culleredo, ante un posible caso de meninxite detectado no CEIP Sofía Casanova, e tras as diversas consultas recibidas por parte dos veciños, quere transmitir tranquilidade á cidadanía.
O Concello propón un plan de 1,5 millóns en obras en servizos e infraestruturas
O goberno local de Culleredo levará a pleno mañá, martes 25 ás 13.30 horas, un plan de obras por importe de 1.590.396,79 euros. Será un dos maiores conxuntos de actuacións dos últimos anos que o Concello propón dedicar a investimentos de carácter eminentemente social e de mellora dos servizos básicos, respondendo a peticións veciñais.
Os nenos coñeceron o traballo da Policía Local no programa de visitas escolares
A Policía Local de Culleredo acaba de abrir as súas portas aos pequenos do municipio. Ao longo dos últimos días, o Concello organizou un programa de visitas escolares. O obxectivo da iniciativa consistiu en explicar aos nenos as funcións e a forma de traballar dos axentes.
Culleredo únese ao Reto Quimions
O Concello de Culleredo levará ao municipio o coñecido Reto Quimions. É un proxecto que consiste na elaboración de fundas con debuxos infantís para cubrir as bolsas de fármacos que precisan nenos e nenas sometidos a tratamentos de oncoloxía.
Culleredo plantará un álamo temblón no paseo marítimo para sensibilizar sobre o Parkinson
Culleredo súmase á campaña da asociación Parkinson Galicia para sensibilizar á cidadanía sobre a enfermidade. Por iso, este venres 20 de novembro, a asociación e o Concello plantarán unha árbore no paseo marítimo do Burgo (xunto á EDAR á beira do Xardín Botánico) un álamo temblón, cunha placa conmemorativa.
Vilaboa acolle unha formación en primeros auxilios de menores
ALMA, Apoio á Lactación Materna, coa colaboración do Concello de Culleredo, organiza a xornada "Coidados sanitarios e primeiros auxilios de menores". Será este venres 20 de novembro no Pazo de Vila Melania, en horario de 17.00 a 20.30 horas.
O Concello abre a pasarela peonil que enlaza o paseo marítimo co final de Juan Carlos I
Os centos de veciños da zona de Fonteculler, Cordeda ou A Corveira xa contan cun renovado acceso ao paseo marítimo da ría do Burgo, espazo verde de referencia do municipio. O Concello de Culleredo abriu no mediodía de hoxe a pasarela peonil que agora enlaza o final da avenida Juan Carlos I co paseo, salvando o desnivel existente.
Culleredo concreta coa Deputación correccións nas obras das beirarrúas da Ermida
O alcalde de Culleredo, Julio Sacristán, e o primeiro tenente de alcalde e responsable de Obras, José Ramón Rioboo, visitaron as obras de construción de beirarrúas na Ermida, que executa a Deputación da Coruña. O obxectivo da visita foi acordar diversas correccións na actuación, que chegou herdada por parte do anterior goberno provincial.
O Concello espera que a rescisión da adxudicación dos comedores escolares da Xunta devolva a tranquilidade
O Concello de Culleredo, tras coñecer a decisión da Xunta de Galicia de rescindir o contrato á empresa que se encargaba dos comedores escolares do CEIP Sofía Casanova, Ría do Burgo e Isaac Díaz Pardo, manifesta a súa confianza en que o servizo volva á normalidade e garanta a calidade dos menús para os alumnos.
Centos de persoas celebrarán o sábado o tradicional Magosto Municipal de Culleredo
Culleredo prepárase para a súa tradicional exaltación da castaña. O Magosto Municipal, que organiza o Concello, terá lugar este sábado 7 de novembro no parque de Celas, desde as 18.00 horas, e prevese a degustación de máis de 500 quilos de castañas por un milleiro de persoas.
En execución a renovación do firme da avenida do Portádego
O Concello de Culleredo prepara as súas infraestruturas para a futura apertura do novo centro de saúde. Agora executa a renovación da avenida do Portádego, vía que albergará a nova dependencia sanitaria e que conecta os núcleos do Portádego e Fonteculler, contando ademais cunha importante trama residencial.
O Concello contrata a instalación dunha cuberta no patio do CEIP Sofía Casanova
O goberno local tramita a licitación da instalación dunha cuberta no CEIP Sofía Casanova de Vilaboa sobre o patio infantil do centro. O obxectivo da actuación consistirá en protexer aos pequenos das inclemencias meteorolóxicas.
Orro acolle esta fin de semana a proba final do Campionato Galego de Trial
Culleredo será sede este fin de semana da proba que pecha a edición 2015 do Campionato Galego de Trial. A parroquia de Orro é o escenario elixido para dirimir unha competición que este ano está a ser moi apretada.
O Concello levará a pleno que as familias sen ingresos teñan unha bonificación dun 100% na auga
O Concello de Culleredo levará ao pleno ordinario do próximo xoves unha nova medida social que permite aliviar a economía das familias cullerdenses con maior necesidade. O alcalde proporá unha bonificación dun 100% na taxa da auga para as familias sen ningún tipo de ingreso.
- « primeira
- ‹ anterior
- …
- 57
- 58
- 59
- 60
- 61
- 62
- 63
- 64
- 65
- …
- seguinte ›
- última »
Sede electrónica
Trámites en liña, taboleiro oficial, carpeta cidadá...
Canle Culleredo
Emisións en directo e material audiovisual.
Teléfonos de interese
- Casa do Concello981.677.777
- A Escada981.664.452
- C.F.Pablo Picasso981.664.204
- Centro de información ás mulleres (CIM)981.654.570
- Centro municipal asociativo981.652.122
- Conservatorio de Música981.667.798
- Edificio usos múltiples981.665.597
- Policia Local981.677.755
- Protección Civil981.651.879
- Servizos sociais de O Burgo981.654.570
- Servizos sociais de Vilaboa981.660.079
- Villa Melania981.650.077
