O Concello de Culleredo ofrece xa información turística aos seus visitantes. Grazas ao cofinanciamento da Deputación da Coruña, o goberno local contratou a un técnico de turismo, reabrindo a oficina municipal de información sita no Burgo, xunto á ponte sobre a ría.

O Concello de Culleredo participou o sábado 22 de abril en Betanzos no acto principal do programa "Primavera no Camiño", impulsado pola Deputación da Coruña para promocionar o Camiño Inglés. O Concello contou cun espazo no varias empresas locais amosaron os seus produtos. 

A ampliada programación de actividades de Nadal ofrecida este ano polo Concello de Culleredo traduciuse nunha gran aceptación por parte dos veciños. As opcións culturais, deportivas, e de animación congregaron a máis de 5.000 persoas, sen contar os asistentes da cabalgata do pasado xoves.

As aves serán as protagonistas de Culleredo esta semana. Desde o luns 12 ao sábado 17, o Concello organiza o seu primeiro Festival das Aves da ría do Burgo, unha cita que pretende enxalzar o valor ambiental do estuario a nivel ornitolóxico.

O Concello de Culleredo recibe un ano máis o Concurso-Exposición de Ornitoloxía organizado pola Sociedade Coruñesa de Canaricultura. Terá lugar entre o 18 e o 27 de novembro na aula da Natureza "Juan Lembeye" do Xardín Botánico do Burgo.

O Concello de Culleredo impulsará para o ano que vén unha medida innovadora para minimizar o ruído excesivo nas festas. O goberno local aposta por unificar o fío musical dos postos e así garantir que se cumpre o volume e o horario que marca a normativa da Xunta de Galicia.

O Concello de Culleredo aprobou na sesión ordinaria do pleno, por unanimidade, a creación dunha vía verde no paso antigo do ferrocarril desde Orro a Boedo pasando por Bregua. A proposta foi presentada polo goberno municipal, que aposta por aproveitar este espazo hoxe en desuso para o turismo e o deporte ao aire libre.

Culleredo regresará desde o venres 1 ata o domingo 3 de xullo á Idade Media. Son as datas elixidas polo Concello para organizar este ano o Mercado Templario do Burgo, que encherá o paseo marítimo de multitude de personaxes da época.