O Concello executará cinco proxectos de saneamento en 2016

O Concello de Culleredo executa cada ano numerosas obras na rede de saneamento, co principal obxectivo de seguir completando a rede na maior parte do municipio. En 2016, o Concello acometerá de entrada cinco proxectos neste servizo básico, respondendo a peticións trasladadas polos veciños de varias parroquias.
 
En total, o investimento no saneamento ascende este ano a 262.458,24 euros. Na súa totalidade corresponden a actuacións que se desenvolverán na zona rural, que é a que máis necesita estes traballos de incremento da rede de recollida de augas residuais.
 
Os proxectos, xa con consignación por parte do goberno municipal, son:
  • Ampliación da rede de saneamento nas rúas Canabal, Andrés Reboredo e Constitución: 90.401,70 euros
  • Ampliación da rede de saneamento en Peiro de Abaixo (tramo da estrada provincial de Ledoño a Celas) e Peiro de Arriba: 88.077,91 euros
  • Renovación da rede de saneamento na rúa do Concello: 35.529,19 euros
  • Instalación de saneamento en Pozo da Cruz: 26.056,56 euros
  • Dotación de saneamento en Valiñas: 22.392,88 euros
O cinco proxectos atópanse en fase de tramitación. Un caso, como o de Peiro, está agora mesmo en período de licitación. Neste sentido, instalaranse dous novos colectores tanto en Peiro de Abaixo como en Peiro de Arriba e 16 pozos de rexistro de formigón para instalar esta rede de saneamento.
 
Tanto esta como o primeiro dos proxectos contan coa cofinanciación da Deputación da Coruña. O tres restantes recibirán fondos municipais.
 
O alcalde de Culleredo, Julio Sacristán, avanza que nos próximos plans de obras "seguiremos propoñendo obras na rede de saneamento, tendo en conta que é un servizo esencial para os veciños". O rexedor destaca que nas reunións coas asociacións de veciños, a mellora do saneamento acapara sempre algunha das súas propostas.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina