O Concello atende os dependentes que a Xunta deixa en lista de espera

A atención á dependencia constitúe un das áreas de intervención prioritarias para o Concello de Culleredo. Pioneiro na creación dos servizos sociais nos concellos nos anos 80, o Concello conta na actualidade cun servizo para os dependentes que atende a todos os veciños, incluídos aqueles que quedan na lista de espera da Xunta de Galicia.
 
O goberno local cullerdense leva anos loitando polo incremento das horas do servizo para dependentes da Xunta, que é o que se encarga dos casos marcados como dependentes na lexislación. O mes pasado, o Concello logrou un pequeno incremento do número de horas, pero que segue sendo insuficiente para a demanda real dos veciños.
 
En concreto, a Xunta concedeu un total de 2.359 horas ao mes, que se aplicarán desde o 1 de xullo próximo. Isto supón poder dar servizo a10 das 36 persoas que a Xunta tiña en lista de espera. As restantes 26 seguen en lista de espera e o Concello será o que, por decisión propia, ofreza a atención en tanto a administración autonómica non siga incrementando a asignación.
 
É o chamado sistema de libre concorrencia, que atende aqueles casos con menor grao de dependencia e no que o Concello tamén acolle aos que quedan excluídos do sistema autonómico. En 2015, o Concello ofreceu 27.000 horas de asistencia, fronte ás 17.478 horas da Xunta, é dicir, un 54% máis.
 
En total, os cidadáns de Culleredo con esta necesidade recibiron en 2015 máis de 44.000 horas de atención, fronte ás 39.121 horas de 2014. É dicir, o ano 2015 foi a marca de prestación de axuda a domicilio. Pero é seguro que 2016 o superará, avanza a concelleira de Benestar Social, Lupe Pombo.
 
Na actualidade son 253 os usuarios, pero o servizo vai crecendo gradualmente segundo as necesidades da poboación. E o Concello de Culleredo garante que disporá os fondos requiridos para incrementar o servizo sempre que corresponda. Aínda que a Xunta non dea a resposta apropiada, o Concello non vai deixar abandonados aos veciños que teñen máis necesidades.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina