O parque infantil da Costa da Lonxa, no Burgo, un dos máis utilizados no municipio, xa loce a súa nova imaxe. O Concello de Culleredo completou os traballos de reforma e desde o pasado venres as familias aproveitaron o bo tempo para gozar do espazo.

Con moita ilusión acudiron á Aula de Natureza do Burgo os 26 participantes no proxecto de hortos urbanos do Concello de Culleredo. Era o seu primeiro día tras resultar afortunados no sorteo que concedeu as prazas no programa, cunha forte formación para que adquiran as competencias necesarias en horticultura.

Cooperativas de Guatemala e Galicia participan mañá xoves en Culleredo nun encontro para dar a coñecer estas iniciativas de economía social. Baixo o título ‘Coop é activas, procesos de autodesenvolvemento cooperativo’, a xornada desenvolverase no Pazo de Vila Melania (Vilaboa) a partir das 18.00 horas.

O Concello de Culleredo incrementa o seu mapa de infraestruturas deportivas de uso público. O goberno local acaba de concluír a construción dunha nova pista polideportiva na parroquia de Orro, para dar servizo aos veciños das urbanizacións Vallesur e Os Olivos.

O Concello de Culleredo completou os traballos de reparación do pavimento na unión da rúa Hersa coa rúa Sanjurjo de Carricarte, no Burgo. Esta confluencia das dúas vías semipeonís danouse polo paso de vehículos pesados rompendo algunhas das baldosas neste punto.

O servizo de Protección Civil do Concello de Culleredo sitúase á cabeza de Galicia en canto a súa dotación de parque móbil. Os efectivos presentaron un novo camión de emerxencias que facilitará un servizo rápido de primeira intervención para os veciños do municipio.