O salón de plenos de Culleredo viviu o venres a súa reunión máis ilusionante e multitudinaria. O Concello organizou a XV edición do pleno infantil coa participación de 210 alumnos de 6º de Primaria dos CEIP de Tarrío, Ría do Burgo, Sofía Casanova e CPR Ponte Pasaxe.

O alcalde de Culleredo, Julio Sacristán, e o primeiro tenente de alcalde, José Ramón Rioboo, presentaron os orzamentos municipais para o exercicio 2015, aprobados polo pleno a proposta do goberno local. Os orzamentos alcanzan os 19.479.126,48 euros, uns 0,25% superiores aos de 2014.

Culleredo converteuse onte na capital galega do teatro, coa gala final do I Certame de Teatro Afeccionado do Concello. O goberno local destaca que se trata do único certame destas características, a nivel nacional, da contorna.

O goberno de Culleredo conseguirá co Plan de Obras 2015, aprobado polo pleno da corporación, satisfacer algunhas das peticións elevadas polos veciños das distintas parroquias. "Son necesidades indiscutibles que xa tiñamos previsto abordar", afirma o alcalde, Julio Sacristán.