“Frear a transmisión do VIH é cousa nosa” foi o lema escollido polo Concello de Culleredo con motivo do Día Mundial da loita contra a SIDA. O goberno local lanzou unha campaña divulgativa co obxecto de sensibilizar á poboación sobre o VIH para dunha banda sensibilizar á poboación xuvenil sobre as prácticas de risco, e doutra banda informar á cidadanía sobre a posibilidade da realización de probas de detección rápida de VIH en saliva.

O Concello de Culleredo levará adiante en 2012 un plan de obras centrado nas principales necesidades dos cidadáns: renovación de firmes de estradas, da rede de abastecemento e da rede de sumidoiros. Os traballos terán un montantes de 350.000 euros.

O Plan Formativo Planet, promovido pola Deputación da Coruña, contará coa participación do Concello de Culleredo. Nesta iniciativa estableceranse alianzas para o desenvolvemento de proxectos de calidade nos ámbitos do envellecemento activo e da promoción turística e rural.

O Concello de Culleredo abre o prazo de preinscrición para os novos Campamentos Urbanos de Nadal, que terán lugar no Edificio de Servicios Múltiples do Burgo no período vacacional dos rapaces. Para fomalizala, cómpre entregar o boletín cuberto na Concellaría de Cultura até o venres 25 de novembro.

O Concello de Culleredo celebrará o 25 de novembro, Día Mundial contra a Violencia de Xénero, cun amplo programa de actos que abarcarán a todos os sectores da sociedade. Os escolares do municipio terán un papel prioritario, ao igual que sector social e deportivo. A concentración en repulsa desta violencia terá lugar na praza de Europa do Burgo.

O Concello de Culleredo concesionará o mantemento preventivo e correctivo da rede de saneamento e bombeos polos próximos 20 anos. O obxectivo consiste en reducis os atascos e avarías para así impedir verquidos á ría e á rede fluvial.

O alumno de Clarinete Diego Camiños Blanco representará ao Conservatorio de Culleredo no concurso que se celebrará o mércores 16 de novembro na súa Fase Autonómica, na Escola de Altos Estudios Musicais de Santiago de Compostela. O acto comezará A partir das 16:30 hora.

O Concello de Culleredo decidiu incrementar en case 27.000 euros o fondo destinado ás axudas para situacións de emerxencia social. Esta suba realízase mediante un axuste das partidas encadradas na área de Benestar Social, que dirixe a primeira tenente de alcalde, Raquel Jabares, “sensible” ante a situación de primeira necesidade de moitos veciños.