O Concello de Culleredo hoxe o campamento urbano desenvolvido durante o Nadal cun sobresaliente éxito de participación e de resultados. Un total de 64 pequenos cullerdenses, de entre 3 e 12 anos de idade, compartiron estas dúas semanas xogos e talleres no Edificio de Servizos Múltiples do Burgo. A Dragona Ramona, mascota das Bibliotecas, foi a protagonista da despedida da actividade.

O Concello de Culleredo modificou a ordenanza de terrazas para a ampliación do horario, petición expresa do sector hostaleiro para ver favorecida a súa actividade. Adiántase media hora o horario de montaxe das terrazas e aumenta unha hora a súa recollida. O horario de funcionamento das terrazas será no inverno ata as 00.30 horas, aínda que os venres, sábados e vésperas de festivo poderá incrementarse nunha hora máis. Tamén nos meses de verán poderá aumentarse unha hora.

O venres 4 de xaneiro a campaña de dinamización levada a cabo polo Concello de Culleredo e a Asociación de Comerciantes de Culleredo chega ao seu remate con varias actividades. Na praza de Europa celebrarase un torneo de baloncesto 3x3 a partir das 10.00 horas. En Fonteculler, pola tarde, terán lugar torneos de videoxogos, chocolatada e sorteo da terceira cesta de Nadal.
 

O equipo redactor do Plan Xeral de Culleredo finalizou o seu traballo e entregou o pasado venres a proposta no rexistro municipal de cara á aprobación inicial. O Concello de Culleredo apunta ao 31 de xaneiro como data para que o pleno debata a proposta. O novo Plan permitirá un desenvolvemento "máis coherente" coa realidade actual de Culleredo, así como "un crecemento máis sostible", sinala o alcalde, Julio Sacristán. Unha vez que o pleno decidise o 31 de xaneiro aprobar o documento, o Concello abrirá un prazo de exposición ao público de dous meses.
 

Culleredo comeza este mes de decembro a primeira fase do Campionato de Tute, tradicional cita que alcanza este ano a súa XV edición. O torneo celebrarase nas sedes das asociacións de veciños. A segunda fase está fixada para o vindeiro mes de marzo.

O Concello de Culleredo celebra mañá, sábado 5 de xaneiro, a tradicional Cabalgata de Reis. As Súas Maxestades chegarán cargadas de caramelos aos diferentes puntos do municipio. Na zona urbana, a cabalgata comezará ás 17.30 horas e recorrerá O Burgo, Acea de Ama, Fonteculler, A Corveira, O Portádego e Vilaboa. No tecido rural haberá visitas en diversoas centros sociais e festas.

A Asociación ANHIDACORUÑA de persoas con TDAH, en colaboración coa Concellaría de Sanidade do Concello de Culleredo, celebrará o vindeiro día 15 de decembro, ás 12.00 horas, e no Conservatorio profesional de música de Culleredo, o seu I Festival de Nadal. A actividade, un festival de variedades, será  desenvolvida polos propios alumnos e alumnas e pais e nais da asociación. Eles serán os artistas con panxoliñas, bailes e actuacións de humor. Contarase tamén coa colaboración de profesorado e alumnado do propio Conservatorio.

Un total de 188 rapaces de 6º de Primaria dos colexios Ría do Burgo, Sofía Casanova, Tarrío e Sofía Casanova participaron no pleno infantil do Concello de Culleredo. Os representantes de cada clase de cada colexio conformaron a corporación infantil, sentándose nos lugares que habitualmente ocupan os grupos políticos. A alcaldesa infantil, Salma Santiso, dirixiu a sesión asesorada por Julio Sacristán e a concelleira de Educación, Carmen Varela.

Postais, bolas para os árbores de Nadal, coroas e adornos son as creacións que están a facer os alumnos do centro ocupacional municipal A Escada. O obxectivo é vendelos para recadar cartos para o fondo para emerxencia social do Concello.  A Escada admitirá pedidos vía telefóno, mail ou Facebook. Ou en persoa. “Os alumnos están moi animados en contribuír ás axudas para emerxencia do Concello”, apunta Raquel Jabares.