Actualidad
O Concello e Asem ensinaron técnicas para persoas dependentes e os seus familiares
O Concello de Culleredo levou a cabo un obradoiro de técnicas para dependentes e para os seus familiares. Enmarcouse dentro do convenio de colaboración que o Concello ten coa Asociación contra as enfermidades neuromusculares (Asem). A xornada tivo lugar en Vilaboa, no Pazo de Villa Melania. Contou coa asistencia de medio centenar de persoas interesadas na materia.
O Concello impulsa unha alegación ao trazado do Camiño Inglés para evitar a AC-215
O goberno local proporá no pleno unha alegación ao trazado do Camiño Inglés da Xunta de Galicia. O Concello aposta por evitar infraestruturas moi transitadas coma a avenida Electo Carballo e levar o Camiño por rúas de menor intensidade para así protexer ao peregrino. A meirande parte do trazado discorrería polo paseo marítimo.
Presentación do documental "Mis ahorros, su botín" en O Burgo
O punto municipal de información ao consumidor de Culleredo colaborará coa Asociación de usuarios de bancos, caixas e seguros (Adicae), na presentación do seu documental “Mis ahorros, su botín”. A presentación da cinta terá lugar na Sala de audiovisuais do Edificio de Servizos Múltiples do Burgo, o día 29 de novembro, ás 19:30 horas. A entrada é gratuíta.
O deporte cullerdense, contra a violencia de xénero
O deporte culelrdense uniuse aos actos conmemorativos do 25 de novembro, Día contra a Violencia de Xénero, promovidos desde o Concello. Os equipos de futbol cullerdenses Sofía Casanova e A Ponte Pasaxe colaboraron reivindicando un "Culleredo sen vitimas de violencia de xénero" nunha pancarta antes do comezo das competicións.
O Concello de Culleredo colaborou na I Copa Ibérica de kayaksurf celebrada a fin de semana
O Concello de Culleredo colaborou na organización da I Copa Ibérica de kayaksurf que se desenvolveu esta fin de semana na comarca. Tratouse da carta e última proba da Copa, e que polo tanto resolveu as clasificacións nas distintas categorías. Nela participou o cullerdense Javier Díaz. De especial relevancia foi a asistencia do campión mundial, Edu Etxeverría.
O Concello e os veciños do Burgo volven sumar forzas coa segunda Limpeza do río Trabe
Tras a primeira acción de limpeza voluntaria que tivo lugar o pasado outubro, o Concello e a asociación de veciños Río Trabe volven a unir forzas para avanzar na posta en valor do paseo do río Trabe. Será mañá sábado 24 de 10.00 a 13.00 horas. Contarase co apoio de Protección Civil para a retirada do lixo e maleza do leito do río.
El Ruiseñor actúa o sábado no Burgo contra a violencia de xénero
A compañía de teatro El Ruiseñor de Culleredo ofrecerá o sábado 24 de novembro a representación da obra "Cadenas", co gallo da celebración do Día contra a Violencia de Xénero. O acto será ás 20.00 horas no Edificio de Servizos Múltiples do Burgo. Entrada libre ata completar o aforo do auditorio do Concello de Culleredo.
Campamentos de Nadal 2012 do Concello de Culleredo
O Concello de Culleredo abre o prazo de preinscrición para os campamentos de Nadal 2012 que organiza. Baixo o lema de "Un Nadal divertido na casa da Dragona Ramona", os pequenos de 3 a 12 anos de idade poderán desfrutar de distintas actividades no Edificio de Servizos Múltiples do Burgo do 26 ao 7 de xaneiro.
O Concello emprende un proxecto de prevención de accidentes nas aulas
A Concellaría de Educación pon en marcha unha nova edición da actividade de prevención de accidentes na rúa para o alumnado de Educación infantil de 5 anos. Trátase dos "Contacontos... con seguridade". Participarán na mesma 288 alumnos e alumnas dos colexios: CRA Culleredo, CEIP Plurilingüe Tarrío, CEIP Sofía Casanova, CEIP Díaz Pardo e CPR A Ponte Pasaxe.
O Concello levará a pleno en novembro uns orzamentos de 22,5 millóns de euros
O Concello de Culleredo elevará ao pleno da corporación, que terá lugar o próximo 29 de novembro, a aprobación do Orzamento Municipal para o ano 2013. O alcalde, Julio Sacristán, prevé igualar ingresos e gastos no orzamento, por tanto tratarase dun orzamento equilibrado. Os ingresos e gastos roldarán os 22,5 millóns de euros, 1,3 millóns por baixo da contía aprobada o ano pasado. Neste descenso incide a decisión do goberno local de non incrementar as taxas.
Vilaboa acollerá un obradoiro de técnicas para persoas dependentes
O Concello de Culleredo organiza un obradoiro de técnicas para persoas dependentes e para os seus familiares. Terá lugar o 30 de novembro no Pazo de Vila Melania en horario de 9:30 a 13:30 horas. Para participar é necesaria a inscrición previa no departamento municipal de Sanidade, no teléfono 981.654570.
O Concello celebra en decembro un obradoiro gratuito de lingua de signos
O Concello de Culleredo oferta un obradoiro de lingua de signos de nivel básico. Desenvolverase no edificio de Servizos Múltiples do Burgo do 10 ao 21 de decembro , entre as 19:30 e as 21:30 horas. Os interesados poden formalizar a súa inscrición no departamento municipal de Educación, sito na planta -1 do Conservatorio ou no 981 661 208.
Culleredo acolle unha xornada sobre a síndrome X Fráxil
O día 24 de novembro, en horario de 17:00 a 20:00 horas, no salón de actos do Conservatorio, desenvolverase a xornada formativa: “A integración sensorial no Síndrome X-Fráxil”. A xornada está organizada pola Asociación galega da síndrome X-fráxil (Agaxfra), asociación que naceu no Concello de Culleredo, e contará coa colaboración do departamento municipal de Sanidade.
Culleredo emprende un plan conxunto con Adafad para previr as adiccións en adolescentes
O Concello de Culleredo inicia un programa conxunto coa “Asociación de ayuda a familias de drogodependientes” (Adafad) para loitar contra as adiccións nos menores e adolescentes da casa. Un ciclo de charlas servirá para a prevención destas condutas nos diferentes ámbitos de actuación. Estas charlas terán carácter aberto e gratuíto.
Os comerciantes fixarán co Concello os criterios de acceso ás rúas peonís do Burgo
O Concello de Culleredo adaptará o acceso ás rúas Hersa e Sanjurjo de Carricarte ás necesidades dos comerciantes da zona. Actualmente tan so está instalado un contador de vehículos, que en 15 días será retirado para poder estudiar os datos e decidir os criterios de entrada a estas rúas, en comunión cos comerciantes. O goberno local aposta por garantir a seguridade na actividade comercial e no asueto dos veciños que se desenvolve nestas rúas.
A Dragona Ramona animará á lectura a 900 escolares de Culleredo
A mascota das bibliotecas de Culleredo, a Dragona Ramona, desenvolverá este mes de novembro a súa primeira xira polos colexios cullerdenses. Serán en total 910 os escolares, que cursan Educación Infantil, que reciban a visita para promover a adquisición de hábitos de lectura entre os nenos cullerdenses.
Culleredo abre o prazo para pedir cita para a renovación do DNI
As vindeiras datas previstas para a tramitación do DNI no Concello de Culleredo son o 8 e 9 de xaneiro de 2013. Terá lugar nas oficinas municipais de Vilaboa, sitas no Pazo Villa Melania. Os veciños interesados xa poden pedir cita ata cubrir o cupo, que será por orden de inscrición.
O Concello celebrou a saída a por cogumelos en Torre Lavandeira
O Concello de Culleredo organizou o XVIII Curso de Micoloxía que tivo lugar no Edificio de Servizos Múltiples do Burgo desde o 7 ao 10 de novembro. O curso foi impartido polo biólogo Carlos Pastoriza Avilés e incluíu unha viaxe e recolleita de cogomelos na zona de Torre Lavandeira, en Aranga.
Culleredo celebrou a entrega de agasallos do certame de pintura “Pintor Argüelles”
O Concello de Culleredo deu por concluído onte o certame de pintura “Pintor Argüelles” coa entrega de agasallos aos participantes. O acto tivo lugar na Aula de Natureza do xardín botánico do Burgo, onde nas últimas semanas permaneceron expostas as obras.
Mulleres emprendedoras no ámbito rural contarán en Celas a súa experiencia
Culleredo celebrar mañá. xoves 8 de novembro, na Reitoral de Celas, o II Encontro de Mulleres no rural, tras o éxito obtido o pasado curso coa súa estrea. Contarase con relatoras como Mª Carmen Regueira, xerente da Perruqería “Magali”; Tusi Lameiro, da empresa “Abeluria” de produtos vexetais, e Pura Ferreño, enxeñeira agrícola, técnica da “Granxa o Cancelo”, que contarán as súas experiencias cara promover ideas emprendedoras no ámbito rural.
Sede electrónica
Trámites en linea, tablón oficial, carpeta ciudadana...
Canal Culleredo
Emisiones en directo y material audiovisual.
Teléfonos de interés
- Ayuntamiento981.677.777
- A Escada981.664.452
- C.F.Pablo Picasso981.664.204
- Centro de información a las mujeres (CIM)981.654.570
- Centro municipal asociativo981.652.122
- Conservatorio de Música981.667.798
- Edificio usos múltiples981.665.597
- Policia Local981.677.755
- Protección Civil981.651.879
- Servizos sociales de O Burgo981.654.570
- Servizos sociales de Vilaboa981.660.079
- Villa Melania981.650.077
