A Concellaría de Educación de Culleredo puxo en marcha unha nova edición da actividade de educación viaria denominada “Videoforum de seguridade viaria". Participaron na mesma 117 alumnos e alumnasde 4º da ESO do IES Blanco Amor. Coa actividade, realizada nas aulas hoxe 6 de marzo, o Concello fomenta a concienciación para adoitar boas actitudes nas rúas dos mozos cullerdenses.
A tradicional Cea de Mulleres Cullerdenses pola Igualdade que, con motivo do Día Internacional da Muller Traballadora, se celebra deede hai 18 anos, terá lugar o día 8 ás 21.30 horas no Pazo de Vilaboa. Son as propias asociacións as que fan as inscricións e recadan os cartos, como data límite o mércores 6.
A liquidación do orzamento municipal de 2012 arroxa un resultado moi positivo para o Concello. Culleredo logra un superávit de 3.037.603,79 euros, o mellor resultado desde 2006. O remanente de tesouraría arroxa unha cifra tamén positiva, alcanzando os 2.907.995,97 euros. O aumento dos dereitos recoñecidos netos constitúe unha das razóns para que o Concello alcanzase este superávit.
A Compañía de Teatro "El Ruiseñor", de Culleredo, estrea a obra "Agamenon", de Esquilo, unha adaptación de Susana Crespo. As datas das estreas son o sábado 2 de marzo ás 20:30 horas e o domingo 3 ás 19:00 horas, no auditorio do Conservatorio. As entradas, a un prezo de 5 euros, poden adquirirse no Edificio de Servizos Múltiples do Burgo en horario de 15.00 a 21.00 horas.
O Concello de Culleredo celebrou hoxe o seu Pleno Xuvenil, conformado por 123 alumnos de 4º de ESO do IES Eduardo Blanco Amor. Tratouse da segunda edición da actividade, nacida o ano pasado, e concebida para dar a coñecer o sistema democrático da administración municipal aos mozos.
O Concello de Culleredo organizará o domingo 17 de marzo o seu primeiro Mercadillo de Segunda Man e Labores. Terá lugar na praza de Europa do Burgo, en horario de 10.00 a 14.00 horas. Será unha oportunidade para vender obxectos usados ou feitos manualmente. Para ostentar un posto é necesario formalizar a inscrición que se adxunta.
Culleredo acollerá este domingo, 24 de febreiro, un dos máis multitudinarios acontecementos ciclistas da comarca. A Pedalada Ártabra, organizada polo Club Ciclista Riazor coa colaboración do Concello de Culleredo, chega a súa VI edición con 250 participantes inscritos. A Marcha encádrase dentro da categoría de Cicloturismo-BTT (Bicicletas Todo Terreo) sendo un exercicio físico con fines de ocio, turístico ou cultural, excluíndo expresamente a competición.
Os campamentos urbanos de primavera celebraranse no Burgo, no Edificio de Servizos Múltiples. Terán lugar desde o 25 de marzo ao 1 de abril, fóra dos días festivos e o sábado. Diríxense a nenos de 3 a 12 anos de idade, tendo preferencia os empadroados no municipio de Culleredo. O programa de actividades estará guiado pola educación ambiental.
O Concello de Culleredo iniciou o período de exposición pública do Plan Xeral de Ordenación Municipal. O Plan exponse na Casa dos Caseiros, situada en Villa Melania (Vilaboa). Estará a disposición dos veciños polo período de 2 meses días. Para facilitar ao máximo o acceso á información, o Concello abrirá a dependencia mañá e tarde. O horario de atención ao público será de luns a venres, de 10.00 a 14.00 horas e de 17.00 a 20.00.
O Concello de Culleredo publica a programación infantil da Biblioteca municipal "Miguel González Garcés" do Burgo para o que resta de curso, de febreiro a xuño de 2013. O programa, tal e como se pode ver no arquivo adxunto, componse de Contacontos coa Dragona Ramona, Obradoiros de contos, Contos en inglés e Teatro.
A asociación cultural Bonsai Coruña e o Concello de Culleredo abren o prazo de inscrición para o curso de coidado de bonsáis que se celebrará na aula de Natureza do Burgo o próximo mes de marzo. O taller terá lugar os domingos 10 e 24 de marzo en horario de 10.30 a 13.30 horas.
O Concello de Culleredo sumarase á iniciativa “Localidades Solidarias co Alzheimer”. O documento, defendido pola primeira tenente de alcalde e proposto pola Federación de Asociacións Galegas de Familiares de Enfermos de Alzheimer (AFAL), obtivo o respaldo unánime do pleno municipal celebrado o pasado 31 de xaneiro.
O Concello de Culleredo adxudica mediante concurso público a concesión do servizo de xestión e execución da prestación dos servizos de axuda a domicilio. A licitación foi gañada pola empresa A0 Maiores Sociedade Limitada por un importe anual de 621.160 euros, cunha baixa sobre o tipo de 29.612 euros ao ano.
Baixo o título "A plataforma de afectados e afectadas polas preferentes de A Coruña e Comarca.: Xuntos podemos", o Punto de información ao consumidor de Culleredo, e a devandita plataforma, informarán dos traballos da organización cidadá, da situación da reivindicación de solución para ás persoas afectadas pola mala comercialización dos "produtos tóxicos" como as preferentes e participacións subordinadas A xornada terá lugar o día 8 de febreiro no Pazo de Vila Melania (Vilaboa).
O Concello de Culleredo presenta un novo programa de Entroido que busca dar resposta aos intereses dos veciños de todas as idades. A concelleira de Cultura, Alicia Ferreiro, explica que a celebración do Entroido de Culleredo terá unha tripla vertente: para nenos, para adultos e a tradicional Romaría de San Blas en Veiga, coa esperada lectura do testamento.
O Concello de Culleredo contará no ano 2013 cun forte investimento para a realización de obras ao longo do municipio. Serán un total de 26 actuacións, que se executarán a través de diversos planes e de financiamento municipal, sumando unha contía total de 1.452.220,97 euros. O alcalde de Culleredo apunta que o factor común de todas estas actuacións atópase en que son traballos “necesarios”, programados en torno ao detectado polos servizos municipais e ás demandas trasladadas polos veciños.
Con motivo do Día Mundial do Cancro, o vindeiro día 4 de febreiro, a Concellaría de Sanidade, no marco do convenio que o Concello de Culleredo ten coa Asociación Española de afectados por linfoma, mieloma e leucemia (AEAL), invita aos cidadáns a participar na actividade "Formación en cáncer 2.0".
O pleno aprobou o pasado xoves o Plan Xeral de Ordenación Municipal de forma inicial. O período de exposición pública iniciarase a mediados de febreiro. O Concello garantirá que chegue a todos os veciños con presentacións en todas as parroquias e a exposición mañá e tarde no Pazo de Villa Melania, con funcionarios presentes para resolver calquera cuestión.
O Concello de Culleredo leva hoxe a pleno a aprobación inicial do Plan Xeral de Ordenación Municipal, documento que ordena o crecemento do municipio. Unha vez aprobado polo pleno municipal, procederase á publicación do anuncio no DOG, tras o que se procederá a abrir o período de información pública por dous meses e a dar audiencia aos Concellos limítrofes.
A Comisión Municipal de Desafiuzamentos do Concello de Culleredo mantivo un encontro cos responsables territoriais de NovaGalicia Banco, co obxecto de trasladarlles diferentes propostas que teñen por finalidades mellorar as condicións para os veciños do municipio. A eliminación de taxas ou a posible susbtitución de hipotecas por alugueiros sociais, entre as suxerencias.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER