O Concello de Culleredo celebrou o martes 14 de maio o pleno de organización do novo goberno municipal. O alcalde deu conta do nomeamento dos novos tenentes de alcalde e a delegación de competencias nos concelleiros de APdC integrados agora no PSOE. O pleno aprobou sen votos en contra as dedicacións, horario das xuntas de goberno, estrutura das comisións informativas e representación da corporación nos distintos órganos.
O pleno de organización do novo goberno de Culleredo, resultante da integración de APdC no PSOE, comezou coa intervención do alcalde, Julio Sacristán. O rexedor presentou os obxectivos do goberno, entre os que destacan a ampliación dos servizos sociais, a elaboración dunha estratexia local de emprego ou a mellora da coordinación entre as 7 áreas que conforman o Concello de Culleredo.
O Concello de Culleredo informa da suspensión das actividades ao aire libre previstas para o vindeiro venres 17, para celebrar a festividade do Día dás Letras Galegas. A mala previsión meteorolóxica para esa xornada, con choivas copiosas, levan ao goberno local a esta decisión, ao considerar que existe alto risco de que non se puidese celebrar ou de que quedase totalmente deslucido.
O XIV Campionato de Tute que organiza o Concello de Culleredo celebrou o pasado venres a xornada segunda da súa fase final. Este xoves, 16 de maio, terá lugar a xornada terceira no centro social Torre de Celas, a partir das 21.00 horas. A continuación pódese descargar os resultados e calendario.
A compañía de distribución alimentaria Vegalsa-Eroski celebrou no seu centro de Acea de Ama o inicio da campaña conmemorativa do Día das Letras Galegas, que lembra esta edición a Roberto Vidal Bolaño. O alcalde de Culleredo, Julio Sacristán, participou na simbólica pegada de carteis no centro, que marcan o comezo da campaña, acto presidido polo conselleiro de Cultura, Jesús Vázquez.
O goberno de Culleredo estrea organización, froito da integración de APdC e PSOE, o que provocou o fin do pacto de goberno co BNG, xa que os socialistas dispoñen dunha ampla maioría con 13 concelleiros. O goberno ten agora 7 áreas coas que se buscará unha maior coordinación e participación veciñal, tendo nos servizos sociais a "prioridade absoluta" do Concello.
O Concello de Culleredo organiza para o 17 de maio, día das Letras Galegas, unha Feira de Artesanía. Terá lugar na praza de Europa do Burgo desde as 12.00 horas. Participarán 40 artesáns e haberá actuacións folclóricas e un festival infantil. Finalizará a xornada cun concerto para nenos no Edificio de Servizos Múltiples.
O Concello de Culleredo ofrece unha programación especial de actividades na Biblioteca do Burgo en conmemoración do Día das Letras Galegas que homenaxea a Roberto Vidal Bolaño. Os nenos das diferentes idades poderán participar en actividades coma obradoiros e contacontos para celebrar este día da literatura galega.
O luns 6 de maio comezan os obradoiros básicos de primeiros auxilios para alumnos e alumnas de bacharelato e Programas de Cualificacións Profesionais Iniciais (PCPIs) do IES Universidade Laboral de Culleredo. A iniciativa, organizada polo Concello de Culleredo e a Asociación Galega de técnicos de emerxencias (Asgate) radicada no municipio, ten como finalidade trasladar ao alumnado aprendizaxes básicos no eido das emerxencias sanitarias.
O Concello de Culleredo inicia mañá, venres 3 de maio, a fase final do XV Campionato de Tute, coa participación de 80 parellas de veciños das diferentes parroquias. As partidas desenvolveranse no centro social de Celas a partir das 21.00 horas. A continuación pódese acceder ao cadro de enfrentamentos e regulamento.
Xa está aberto o prazo de inscrición nos campamentos deportivos que desenvolverá no verán a Deputación da Coruña, para rapaces nados entre 1999 e 2003. A Culleredo correspóndelle a segunda quenda, do 7 ao 13 de xullo de 2013. Os interesados dispoñen ata o 16 de maio para formalizar a inscrición no rexistro xeral do Concello, entregando a ficha de inscrición cuberta e a fotocopia do libro de familia ou carné de identidade.
As pequenas promesas do teatro de Culleredo están xa ás portas da gran estrea das súas obras. Será o próximo fin de semana, con sesións o sábado 4 ás 20.00 horas e o domingo 5 ás 19.00 horas, no Edificio de Servizos Múltiples do Burgo, cando a compañía de teatro El Ruiseñor, presente á súa canteira ante o público. O Concello augura cheo total no auditorio.
O Concello promove o obradoiro "O teu prato de presentación", no que se abordarán conceptos básicos sobre alimentación e hábitos saudables. A iniciativa, dirixida ás familias e aos adolescentes, ten como finalidade a de desenvolver habilidades sociais positivas nos participantes así como a mellora do funcionamento familiar (comunicación, reparto de tarefas domésticas, etc...). Levarase a cabo os días 30 de abril e o 7,14,21 e 28 de maio.
O Xardín Botánico do Burgo acolle a celebración un obradoiro de fotografía ambiental, enmarcado no III Congreso Natureza e Imaxe que organiza o CEIDA, en colaboracion co Concello de Culleredo. Terá lugar os vindeiros días 9 e 10 de maio. Será impartido por Fran Nieto, fotógrafo especializado en macrofotografía e paisaxe.
O Concello de Culleredo impulsa unha reorganización do cuadrante da Policía Local tras a aprobación do convenio co persoal acordado polo pleno o pasado xoves. Os cambios permitirán unha mellor atención, co traballo diario diúrno de dous ou tres patrullas e o reforzo do servizo nocturno na fin de semana. A Policía conta ademais cunha nova unidade de atestados.
O pleno de Culleredo aprobou o regulamento dos ficheiros de datos de carácter persoal do Concello. Trátase da regulación dos arquivos, automatizados ou non, que conteñen e procesan datos persoais. O regulamento determina a finalidade de cada ficheiro, as persoas ou colectivos dos que se obteñen, a súa estrutura e descrición ou o órgano responsable do mesmo. Ademais o pleno acordou delegar na Deputación da Coruña a tramitación dos certificados electrónicos.
O Ministerio de Fomento aproba a proposta de modificación da liña límite de edificación na Terceira Ronda e na autovía de acceso ao aeroporto de Alvedro elevada polo Concello de Culleredo. Os veciños da Urbanización Augas Mansas solicitaran o a fixación das aliñacións nesta urbanización, co fin de que excepcionalmente non fóra de aplicación a Lei de Estradas nesta urbanización e evitar así que parte dela quedase fora de ordenación.
A Travesía do Xalo, nas súas modalidades de carreira e andaina, celebrarase o domingo 28 de abril co récord de participación de 400 persoas. A proba, organizada pola asociación Castelo Deporte, e que conta coa colaboración do Concello de Culleredo, está previsto que comece ás 9.30 horas no caso da carreira e ás 10.00 horas no caso da andaina.
O Concello de Culleredo desenvolve esta semana unha actividade, en colaboración coa agrupación Ancoradoira, para ensinar aos escolares as características do folclore galego. Na actividade, denominada “Musícate” participa o alumnado de 4º de Educación Primaria do CEIP Sofía Casanova (Vilaboa) e do CEIP Ría do Burgo (A Corveira). O alumnado nocións básicas acerca do traxe tradicional galego, instrumentos musicais e bailes típicos galegos. Ademais, aprenden a bailar un deles.
O Concello de Culleredo aproba a cesión dun local a Correos para que poida ofrecer os seus servizos postais aos veciños da zona do Burgo. Trátase dun espazo de 34 metros cadrados de superficie, situado na antiga Casa da Xuventude, sita na rúa Alfonso VII do Burgo. A cesión do local prodúcese por un prazo de 12 anos, prorrogables ata un máximo de 24.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER