O CEIDA (Centro de Extensión Universitaria e Divulgación Ambiental de Galicia) organiza, coa colaboración do Concello de Culleredo, un obradoiro de fotografía ambiental, enmarcado no III Congreso Natureza e Imaxe. Terá lugar os vindeiros días 9 e 10 de maio no Xardín Botánico do Burgo.

O obxectivo do curso consiste en mellorar a toma de fotografías de natureza, sacando o máximo partido dos equipos. Será impartido por Fran Nieto, fotógrafo especializado en macrofotografía e paisaxe.

O horario do obradoiro é o seguinte:

• Xoves 9, de 18.00 a 22.00 horas
• Venres 10, de 18.00 a 21.00 horas

A inscrición custa 30 euros e para pode formalizarse a través da web www.ceida.org/formacion. O número de prazas é limitado e para participar é requisito dispoñer de equipo fotográfico dixital, cámara reflex ou compacta.

Para máis información pódese contactar co CEIDA en formacion@ceida.org ou no teléfono 981 630 618. A acción está patrocinada polo Consorcio As Mariñas.