Culleredo viviu esta fin de semana unha auténtica festa do fútbol coa disputa das finais do Trofeo Municipal 2026 no Municipal de Rutis. O Sporting Burgo, o Club Femenino Celas e o Olímpico de Rutis foron os grandes vencedores, á espera da final do trofeo de veteranos.

O Concello de Culleredo pon en marcha unha nova edición do programa de Actividades Municipais Culturais e Deportivas, que no curso 2026/2027 volverá levar obradoiros e clases aos distintos núcleos do municipio. A iniciativa, que conta coa colaboración da Deputación da Coruña, arrancará durante a primeira quincena de outubro.

O 12 de agosto, Culleredo vivirá un momento histórico que non se repetirá nas nosas vidas: unha eclipse total de Sol. Para garantir que a veciñanza e os visitantes poidan gozar deste grande espectáculo astronómico con total seguridade, o Concello vén de publicar unha guía cos horarios precisos e as recomendacións clave para a xornada.

O Concello de Culleredo organiza unha nova edición do Festival BurgoJazz. Será do 3 ao 6 de xullo no Xardín Botánico do Burgo, con accerso libre.

A xira 2026 dos Mojinos Escozíos fará parada no paseo marítimo do Burgo o vindeiro venres 3 de xullo a partir das 23.00 horas.

O Mercado Templario do Burgo do Faro volve un ano máis ao calendario de Culleredo, e faino cunha edición máis longa: cinco xornadas, do mércores 1 ao domingo 5 de xullo.

Os veciños e veciñas de Culleredo que queiran organizar unha lumarada, sardiñada ou churrascada na noite de San Xoán poden comunicalo ao Concello ata o vindeiro 20 de xuño. O alcalde, José Ramón Rioboo, fixo público un bando no que regula diversos aspectos do desenvolvemento das tradicionais cacharelas.