Culleredo impulsa novas actuacións de calado para a mellora urbana e de servizos do municipio. O Concello acaba de realizar a adxudicación por 2.454.568,97 euros de cinco grandes proxectos na zona urbana e rural.

O Concello de Culleredo abrirá o vindeiro luns, 8 de setembro, o prazo de preinscrición para o programa de actividades municipais culturais e deportivas 2025/2026, que un ano máis ofrecerá unha ampla programación dirixida a todas as idades e parroquias do municipio.

O Concello de Culleredo ten aberto o proceso dos Orzamentos Participativos 2026, unha ferramenta de participación cidadá que permite á veciñanza e ás entidades locais propoñer investimentos de interese xeral para incluír nos próximos orzamentos municipais.

As bibliotecas municipais Miguel González Garcés, situada no Burgo, e Xosé Cardeso Liñares, en Vilaboa, regresan á rutina da volta ao cole impulsando os clubs de lectura do curso 2025/2026 para os máis amantes dos libros. O prazo de inscrición xa está aberto e pechará o 15 de setembro.

Culleredo viviu unha xornada moi emotiva e especial para a recuperación da memoria de dous veciños que pelexaron pola liberdade. O Concello e Asociación para a Recuperación da Memoria Histórica, de acordo coas familias, celebraron o acto de homenaxe e entrega dos corpos de José Galán Núñez e Manuel Ramiro Souto, naturais da parroquia de Almeiras, membros da guerrilla antifranquista asasinados o 22 de xuño de 1952 en Visantoña (Mesía).

O Concello de Culleredo e Asociación para a Recuperación da Memoria Histórica, de acordo coas familias, celebran o luns 25 de agosto o acto público de homenaxe e entrega dos corpos de José Galán Núñez e Manuel Ramiro Souto, naturais da parroquia cullerdense de Almeiras, membros da guerrilla antifranquista asasinados o 22 de xuño de 1952 en Visantoña (Mesía).

O Concello de Culleredo gozará durante varias semanas de torneos de fútbol, desde o sábado 9 de agosto ata o vindeiro domingo 31 de agosto. Haberá catro categorías diferentes que permitirán que os distintos equipos do municipio poidan participar, divididos entre afeccionados, veteranos, fútbol base e fútbol feminino.