As bibliotecas municipais Miguel González Garcés, situada no Burgo, e Xosé Cardeso Liñares, en Vilaboa, regresan á rutina da volta ao cole impulsando os clubs de lectura do curso 2025/2026 para os máis amantes dos libros.

No caso da sala do Burgo, os participantes reuniranse o primeiro luns e martes de cada mes ás 17:00 horas e ás 11:00 horas respectivamente. A biblioteca atópase no Edificio de Servizos Múltiples.

Mentres, as persoas que se anoten no club da biblioteca de Vilaboa, citaranse o primeiro xoves de cada mes ás 17:00 horas para comentar a lectura que corresponda. Villa Melania alberga no segundo andar a sala.

INSCRICIÓNS

O prazo de inscrición comezou hoxe, luns 1 de setembro, e estará aberto ata o luns 15 deste mesmo mes. Para solicitar unha praza, as persoas que o desexen deberán poñerse en contacto cos números de teléfono 981 66 55 97 ou 981 65 00 77. Outra maneira de inscribirse será escribindo un correo á dirección electrónica bibliotecas.munipais@culleredo.es.