Actualidad

Culleredo licita por 391.859,51 euros a construción da rotonda xunto a ponte sobre a autopista na Avenida de Vilaboa

O Concello de Culleredo dá un paso máis na humanización de Vilaboa coa licitación por 391.859,51 euros das obras de mellora da intersección da antiga N-550, que agora é de titularidade municipal, coas rúas Alcalde Domingo Sierra, Xafonte, Calzada e Vicente Risco. Está incluída nas obras financiadas polo Plan Único da Deputación da Coruña.

O Pleno da Deputación aproba o proxecto de mellora da seguridade viaria na DP-3109 e DP-1705 cun investimento de 364.028,28 euros

A Deputación da Coruña aprobou hoxe en Pleno o proxecto de mellora da seguridade viaria na DP-3109 e DP1705, onde se actuará nun total de 3.503,7 metros cadrados e abarcará un tramo de 215 metros de estrada provincial DP-3109, dos cales 140 metros forman parte da rúa do Concello e 75 metros da rúa José Ramallo; outros 99 metros corresponden á DP-1705 integramente na rúa do Concello. Contará cun investimento de 364.028,28 euros.

Licitado o proxecto de acondicionamento e mellora da seguridade viaria da DP-3104 o seu paso por Liñares

A Deputación da Coruña licitou o proxecto de acondicionamento e mellora da seguridade viaria da DP-3104 ao seu paso por Liñares, na contorna do aeroporto de Alvedro. Crearase unha senda peonil de aproximadamente 1,8 quilómetros, que partirá da antiga igrexa de Santo Estevo de Tarrío e terminará na intersección da DP-3104 coa antiga N-550. Contará cun orzamento de 522.692,67 euros. O prazo de presentación de ofertas remata o 24 de outubro.

Sesión ordinaria do Pleno da corporación con data 29 de setembro de 2022

O vindeiro xoves 29 de setembro celebrarase unha sesión ordinaria do Pleno da corporación, que terá lugar ás 13:30 horas no salón de sesións da Casa Consistorial. 

Culleredo retomará as súas 'Rutas Barítimas' do 10 ao 23 de outubro

Culleredo retomará as súas 'Rutas Barítimas' do 10 ata o 23 de outubro con votacións a través do móbil e premios por valor de 2.500 euros, para os locais de hostalería máis votado e para as persoas que participen. Daranse cita nas mesmas dous cociñeiros de prestixio, quen valorará as creacións. O prezo da tapa será de 1,90 euros.

O alcalde aborda coa veciñanza de Orro o plan de melloras para esta parroquia

O alcalde de Culleredo, José Ramón Rioboo, mantivo unha reunión co presidente da Asociación de Veciños Orro Novo Orro Vello, Jaime Parcero Barbeito, coa finalidade de abordar asuntos de interese para a parroquia. O rexedor avanzou o próximo inicio das obras de ampliación da estrada provincial, tendo en conta que a Deputación da Coruña acaba de adxudicar a actuación esta mesma semana.

Rioboo da todo o seu apoio ás familias de Iria, Anxo e Noa e esixe á Xunta a contratación de persoal especializado

Esta mañá produciuse unha reunión no Concello de Culleredo entre o alcalde, José Ramón Rioboo; a concelleira de Educación, Jéssica Méndez; e as familias dos alumnos afectados polos recortes de persoal coidador para o curso 2022-2023. Mar Rodríguez, Susana Santamaría e María Mosquera estiveron acompañadas por María Roca, portavoz do AMPA do IES Rego de Trabe.

Pleno extraordinario da corporación con data 21 de setembro de 2022

O Pleno da corporación do Concello de Culleredo celebrará mañá, 21 de setembro, un pleno extraordinario. 

Culleredo estrea a Feira de Oportunidades da Deputación da Coruña

Culleredo estreou esta mañá a Feira de Oportunidades da Deputación da Coruña, a última das seis que impulsou o ente provincial e que estará hoxe e mañá en Praza Europa. Ao acto inaugural acudiu o alcalde e deputado provincial, José Ramón Rioboo Castro, xunto aos concelleiros e concelleiras Mario Iglesias, Abraham Seijas, Carlos Liñares, Penélope López, Marta Iglesias, Marta Figueroa e Miguel Suárez.

A praza Europa acollerá esta fin de semana a Feira de Oportunidades da Deputación da Coruña

Culleredo acollerá esta fin de semana a Feira de Oportunidades da Deputación da Coruña, a última das seis que impulsou o ente provincial e que estará o sábado 17 e o domingo 18 de setembro na praza Europa. 

Patrimonio autoriza o Concello de Culleredo a remodelación da Praza de Galicia

O Concello de Culleredo obtivo, tras meses de tramitación administrativa con Patrimonio, debido a que a contorna dos traballos de remodelación da Praza de Galicia atópase en área de influencia do Camiño Inglés, os pertinentes permisos para a licitación da obra, que espera ver a luz nas próximas semanas. Foise adaptando así, progresivamente, aos cambios que requiría o ente autonómico.

As familias do IES Rego de Trabe denuncian a falta de persoal coidador para o alumnado con necesidades especiais

As familias do IES Rego de Trabe, coincidindo co inicio de curso, denuncian a falta de persoal coidador para o alumnado con necesidades especiais. A Xunta de Galicia concedeu onte unha nova persoa a media xornada, que aínda non se incorporou, e desde o centro afirman que “optimizarán os recursos cos que contan para este novo exercicio 2022-2023”, xa que un coidador é compartido co CEIP Vila de Rutis.

Continúan as xuntanzas co tecido asociativo tras os encontros cos representantes das AAVV de Sésamo, Castelo e Río Trabe

Continúan as reunións coas Asociacións de Veciños de Culleredo tras os encontros con representantes de Sésamo, Castelo e Río Trabe. Estas citas prolongaranse ata mañá, último día para presentar propostas ao orzamento 2023.

José Ramón Rioboo e María Rivas visitan as obras en materia de infraestruturas que o Goberno está realizando en Culleredo

O alcalde de Culleredo, José Ramón Rioboo, e a subdelegada do Goberno na Coruña, María Rivas, visitaron esta mañá as obras en materia de infraestruturas que o Goberno está a realizar en Culleredo. Acudiron tamén o concelleiro de Obras local, Carlos Liñares; o xefe da Demarcación de Estradas, Ángel González del Río e o xefe de servizo da área de conservación de Estradas, Francisco Prego.

O goberno local comeza unha rolda de consultas co tecido asociativo de Culleredo para coñecer as súas demandas

O goberno local comezou esta mañá unha rolda de consultas co tecido asociativo de Culleredo para coñecer de preto as súas necesidades, demandas e achegas para mellorar servizos e infraestruturas na devandita parroquia.

Rematan as 'Mañás de campamento' do Concello de Culleredo con máis de 300 inscritos

Un total de 320 nenas e nenos gozaron desde o pasado 27 de xuño do programa Mañás de campamento, impulsado polo Concello e co que se buscaba facilitar a conciliación, así como a dinamización dos espazos formativos para aprender dunha maneira sa nun período non lectivo como o é o verán. 

O Concello adxudica en 66.188 euros a mellora de vías en Vinseira Pequena e Castelo

O Concello de Culleredo adxudica novas actuacións dentro dos seus plans de mellora da rede viaria do municipio. Nesta ocasión acaba de contratar as obras para renovar viarias de Vinseira Pequena e de Castelo, respondendo as demandas dos residentes da súa contorna.

Culleredo acollerá este venres a estrea do proxecto Rock-Barock no Conservatorio de Música Municipal

Culleredo acollerá este venres a estrea do proxecto Rock-Barock, un programa feito en Galicia por Wladimir Rosinskij e os seus colaboradores, principalmente músicos e músicas da Orquestra Sinfónica de Galicia, para recuperar e poñer en valor músicas antigas do barroco e músicas contemporáneas de compositores como Vivaldi, Santiago de Murcia e o propio Rosinskij, que estreará unha obra propia. 

Culleredo habilitará este xoves o itinerario alternativo de circulación viaria polas obras da glorieta de Vilaboa

O Concello de Culleredo habilitará este xoves o itinerario alternativo de circulación de vehículos polas obras da glorieta de Vilaboa, que comezaron a semana pasada e enmarcados dentro do proxecto de maior envergadura do mandato, o de humanización da antiga N-550 e a súa contorna ao seu paso por este núcleo poboacional.

O día 2 de setembro abrirá o prazo de preinscrición para o programa municipal da Coral de Adultos do Conservatorio Municipal de Música de Culleredo

O Concello de Culleredo abrirá o día 2 de setembro o prazo de preinscrición para o programa municipal da Coral de Adultos do Conservatorio de Música, que se poderá facer efectiva do 2 ao 22 do mesmo mes. O número de prazas dispoñibles é de 45, que se cubrirán por estrita orde de inscrición. Terán prioridade as persoas empadroadas en Culleredo e está dirixida para as persoas maiores de 18 anos.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina