Os campos da Lavandeira do Burgo son sede desde o venres 29 de xuño ao domingo 1 de xullo do XIII Torneo de Fútbol 7 "A Ponte Pasaxe". Rapaces de once clubes das categorías prebenxamín, benxamín e alevín desfrutarán dunha festa do deporte.

O Concello instalou arcones para a recollida do material en todos os colexios, institutos e escolas infantís públicas do municipio. O obxectivo: repartir material escolar novo ou en perfectas condicións ás familias en situación de emerxencia social. Na campaña aceptarase todo tipo de material escolar que se poida requirir no colexio, excepto libros de texto. Tamén se poderán achegar uniformes escolares, mochilas, chándales ou calzado deportivo.

A continuación achéganse as Normas de Participación nos campamentos que organiza o Concello de Culleredo e que comezan o martes 26 de xuño. Tamén se adxunta a relación de teléfonos dos responsables para o seu coñecemento por parte das nais e pais dos participantes.

O Concello de Culleredo emprende unha campaña de información cidadá sobre as novas tarifas de abastecemento de auga e saneamento do municipio. A primeira charla desenvolverase o 20 de xuño, ás 19 horas, no Edificio municipal de servizos múltiples do Burgo.

O Concello organiza o sábado 16 de xuño, en Acea de Ama, a I Xuntanza Veciñal, un evento que reunirá opcións para todos os públicos, con 800 quilos de sardiñas e o Festival Folk que encabeza Os Cempés. Os prezos serán anticrise con racións de sardiñas e bebida por 2 euros e as cañas e refrescos a un euro.

A Policía Local de Culleredo emprende unha campaña especial de vixilancia para velar que se cumpren todas as condicións de seguridade e comportamento cívico por parte dos propietarios de cans. Os axentes farán fincapé especialmente en dous aspectos: a recollida das deposicións e a seguridade.

O Concello de Culleredo aprobou a ordenanza reguladora da Inspección Técnica de Edificacións (ITE). Con esta medida, regúlase a obrigación de manter nas edificacións as condicións básicas de seguridade, estabilidade, estanqueidade, ou consolidación estrutural. Para iso, elaborarase un informe emitido por un técnico competente que se debe presentar dentro do ano seguinte a aquel en que o edificio cumpra 50 anos.

No programa participaron dous centenares de veciños mellorando as súas habilidades de diversa índole. E é que, cun carácter eminentemente práctico, as aulas afondaron en materias de máxima actualidade, coma as novas tecnoloxías, o coidado infantil ou a economía. “O éxito foi rotundo e temos claro que os participantes saen cuns coñecementos adquiridos que necesitaban para a súa vida cotiá”, destaca a primeira tenente de alcalde, a nacionalista Raquel Jabares.

O IV Encontro de Coches Clásicos, Históricos e Deportivos abarrotou O Burgo o pasado fin de semana. Centos de persoas achegáronse o sábado e o domingo ao recinto multiusos do paseo marítimo para gozar da cita organizada polo Concello de Culleredo, coa colaboración do Automóbil Club de Culleredo.