O Concello de Culleredo celebrou este mes de agosto os torneos de Fútbol Afeccionado e Fútbol Veterán, que congregan a un bo número de equipos das diferentes parroquias do municipio. O Olímpico de Rutis resultou gañador de ambas competicións.

O Concello de Culleredo participa nunha actividade formativa transfronteiriza sobre hábitos de vida saudables para os maiores. Atópase enmarcada nunha iniciativa do Fondo de desenvolvemento rexional europeo (FEDER), organizada pola Universidade do Minho en Braga-Portugal.

O Concello de Culleredo volveu a congregar a centos de persoas no recinto multiusos do Burgo coa estrea da Concentración Tuning "Ría do Burgo". Puidéronse atopar coches de todas as cores, con diferentes aperturas de portas, equipos de son, neóns, etc. O concelleiro de Dinamización Local, Isidro Taibo, comprobada a gran afluencia de público e o nivel dos vehículos participantes, anuncia a ampliación da cita para o próximo ano.

O goberno local presentará no vindeiro pleno as actuacións que incluirá no Plan DPC 94 a través do cal o Concello recibirá 353.661,87 euros para a execución de proxectos e para gasto corrente. A maior parte desta cantidade será destinada á execución de diversas obras de mellora de viarias e rúas e á instalación de xogos infantís.

A Policía Local de Culleredo e a Garda Civil de Tráfico establecen un protocolo de colaboración para optimizar a súa actuación no municipio. Ambos corpos de seguridade asinaron un acordo polo que se traspasa a atención nos tramos urbanos das principais estradas da Xunta de Galicia e da Deputación da Coruña á Policía Local. Este protocolo entrará en vigor o 1 de xaneiro de 2013.

Será este venres, 3 de agosto, a partir das 21.30 horas. A nave da Cros situada máis preto do paseo marítimo será escenario para un gran gala de circo na rúa.  Malabaristas, acróbatas, ou pallasos ofrecerán as súas técnicas baixo a estrutura da fábrica. Alí tamén se situarán os espectadores deste espectáculo que terá unha entrada libre e gratuíta.

O Concello de Culleredo celebrará entre o 4 e o 25 de agosto os torneos de Fútbol Afeccionado e Fútbol Veterán, que congregarán a un bo número de equipos das diferentes parroquias do municipio. A continuación poden descargarse os calendarios de ambas competicións.

A Concellería de Cultura de Culleredo deseño un amplo programa cultural para o verán. A axenda inclúe accións e propostas para os veciños de todas as idades.