O Concello de Culleredo organiza un taller, en nivel de perfeccionamento, de lingua de signos. Para asistir é necesario acreditar que se posúe nivel básico. A formación terá lugar en Vilaboa, no pazo de Vila Melania, desde 13 de outubro ao 1 de decembro.

O Concello de Culleredo lanza varios programas educativos para este curso: aulas de reforzo escolar, clases de apoio para preparar as probas libres coas que se pode obter o título de graduado en Educación Secundaria Obrigatoria (ESO), e a Escola de Nais e Pais.

O Concello de Culleredo tamén apoia aos pais e nais no seu traballo educativo cos seus descendentes. O goberno local abre a inscrición na Escola de Nais e Pais, un proxecto que pretende servir de apoio aos participantes no desempeño do seu papel cos seus fillos.

O Concello de Culleredo abre os centros educativos, tras a conclusión da actividade lectiva, para levar a cabo clases de apoio aos alumnos do municipio, en Primaria e Secundaria. O prazo de inscrición está aberto ata o 3 de outubro.

O novo curso escolar comezará con melloras efectuadas polo Concello de Culleredo en todas as gardarías, escolas unitarias e colexios do municipio. Trátase dun conxunto de traballos de acondicionamento trasladados polos directores dos centros e que o Concello acomete para incrementar as prestacións aos alumnos.

O Concello de Culleredo e a Deputación da Coruña acordaron o cofinanciamento para urbanizar a parcela onde se emprazará un novo colexio de educación infantil e primaria. O alcalde de Culleredo, Julio Sacristán, acudiu onte á Deputación para asinar o convenio polo que o ente provincial achegará o 55% da contía e o Concello o restante 45%.

Esta edición dos campamentos urbanos de verán do Concello de Culleredo está sendo multitudinaria. O goberno municipal logrou incrementar as prazas para previstas, para poder dar servizo a todas as familias cullerdenses que as solicitaron.

A Xunta confirmou ao Concello de Culleredo e aos representantes da ANPA que o novo IES non estará listo para o inicio do curso 2015-2016. Isto fará necesarias medidas provisionais no IES Bñanco Amor, que non se requerirían de ter licitado a Xunta antes a obra, como pedían pais e Concello.

O Concello de Culleredo abriu o prazo de inscrición para O programa Ponte a Punto de verán, que estará aberto ata cubrir as prazas. Este programa de reforzo e apoio educativo,ten como finalidade frear o fracaso e o abandono escolar.

O Concello de Culleredo, ante o inminente comezo das XV Mañás de Campamento, organiza unha reunión informativa cos pais ou titores dos participantes. Terá lugar o venres 20 de xuño, ás 19.30 horas, no Edificio de Servizos Múltiples do Burgo.