O Concello de Culleredo decidiu variar a súa política en materia formativa e emprender un programa propio que veña a cubrir as reducións nos plans da Xunta de Galicia. O alcalde de Culleredo, Julio Sacristán, explica que para deseñar este plan, o departamento municipal de Formación analizou as necesidades formativas no municipio e as oportunidades de inserción laboral do mercado na actualidade.

O Concello de Culleredo oferta prazas vacantes nas actividades deportivas municipais, tanto para escolares coma para adultos. A continuación se relacionan as modalidades dispoñibles e o procedemento a seguir. Para máis información, contactar coa Concellería de Deportes.

O Concello de Culleredo e as asociacións de veciños do Burgo decidiron unir forzas para mellorar o espazo natural do río Trabe e aminorar os danos provocados por actitudes incívicas. A Oficina Municipal de Voluntariado (OMVOL) organizou a primeira limpeza do río Trabe, que terminou con lixo e maleza retirado do cauce.

A Escola de Nais e Pais do Concello de Culleredo, con 24 anos de vida inicia en novembro un novo curso. Esta dirixida a nais e pais con fillos/as con idades comprendidas entre 3 a 16 anos de idade. O Concello proporcionará un servizo de atención aos nenos durante as sesións. Os interesados en apuntarse poden contactar co Departamento Municipal de Educación.