O Concello de Culleredo impulsará para o ano que vén unha medida innovadora para minimizar o ruído excesivo nas festas. O goberno local aposta por unificar o fío musical dos postos e así garantir que se cumpre o volume e o horario que marca a normativa da Xunta de Galicia.

A zona rural de Culleredo tamén conta desde este ano co programa municipal de clases de reforzo escolar do Concello. Para ofrecer este servizo educativo tamén aos veciños destas parroquias, o goberno local creou un grupo no Centro Cultural de Ledoño. 

O Concello de Culleredo publica a licitación da obra para obter o segundo parque infantil cuberto do municipio. A iniciativa probada no parque da Corveira está a ser satisfactoria, ao permitir incrementar o uso da instalación infantil, e por iso o goberno municipal aposta agora por cubrir o de Ledoño, que ademais será modernizado.

O Concello de Culleredo en colaboración coa Asociación de Comerciantes organiza este venres 15 a Noite Branca, iniciativa que trata de dinamizar o tecido comercial e que este ano terá temática mariña. En concreto a zona comercial abarcará a praza Europa, praza de Galicia, rúa Sanjurjo de Carricarte, Largo Caballero e avda. da Coruña.

As festas patronais de Vilaboa, unhas das máis concorridas da comarca, desenvolvéronse en xeral con normalidade. A Policía Local de Culleredo e a Garda Civil estableceron un dispositivo con reforzo de patrullas en horario nocturno para atender as posibles incidencias. Agora o Concello montou un operativo especial de limpeza.

O Concello de Culleredo clausurou o plan municipal de formación, lanzado para promover o incremento de competencias profesionais de veciños en situación de desemprego. Foron 145 veciños con estas características os que se formaron coa iniciativa.

O Concello de Culleredo aprobou na sesión ordinaria do pleno, por unanimidade, a creación dunha vía verde no paso antigo do ferrocarril desde Orro a Boedo pasando por Bregua. A proposta foi presentada polo goberno municipal, que aposta por aproveitar este espazo hoxe en desuso para o turismo e o deporte ao aire libre.

Case 400 nenos e nenas gozan xa dos campamentos urbanos do Concello de Culleredo. Esta iniciativa pensada para favorecer a conciliación das familias do municipio, cumpre este ano a súa edición XVII.

O Concello de Culleredo establecerá o sábado 2 e o domingo 3 de xullo un plan especial de tráfico con motivo dos traballos de asfaltado na Nacional 550. Este fin de semana as obras executaranse no Portádego e na Corveira, en concreto entre a rúa río Quintas (límite coa Coruña) e a igrexa de Vilaboa.

O Concello de Culleredo celebra a XVI edición do festival BurgoJazz, un referente desta música en Galicia. Os concertos, totalmente gratuítos, serán no exterior, no xardín botánico do Burgo, desde este venres 1 ata o luns 4.