Queres aportar o teu graíño de area? Desde a Culleredo Protección Civil e o Concello de Culleredo estamos promovendo unha recollida solidaria de material para as persoas afectadas polo desastre natural da erupción do volcán Cumbre Vieja, en La Palma.
 

A comunidade educativa manifestouse novamente esta mañá contra os recortes de Educación en materia de atención especial. Ás 9:10 horas tivo lugar unha concentración ás portas do CEIP Ría do Burgo, onde simbolicamente se prenderon globos de cores.
 

O Concello de Culleredo, a través da concelleira de Educación Jéssica Méndez, trasladará as demandas da comunidade escolar á inspección da Consellería de Educación tras reunirse coas directoras e directores do IES Rego de Trabe, CEIP Vila de  Rutis, CEIP Tarrío, CEIP Sofía  Casanova, CEIP Isaac Díaz Pardo, CEIP Ría  do Burgo e do CRA de Culleredo.
 

A partires do 1 de outubro e durante tres venres, o municipio contará con espectáculos gratuítos nos Servizos Múltiples. 

O alcalde de Culleredo, José Ramón Rioboo, e o presidente da Xunta, Alberto Núñez Feijoo, citáronse esta mañá nunha xuntanza para profundar en temas de gran calado para Culleredo.

O Conservatorio Municipal de Culleredo acollerá o próximo 24 de setembro a estrea das variacións sobre “Rosa de Abril”, de Juan Durán, un concerto que forma parte da Programación Xacobeo 21-22.

Mañá, xoves día 9 de setembro, terá lugar o comezo dun novo curso escolar. Con motivo das obras que se están acometendo baixo a ponte da AP-9 e coincidindo co inicio do curso escolar, habilitarase un carril de circulación para vehículos a motor que dea acceso ao CEIP Vila de Rutis desde a rotonda da DP-3107, a carón do Eroski Center. 

As bibliotecas Miguel González Garcés, do Burgo, e Cardeso Liñares, de Vilaboa, contarán cun novo horario a partir do 16 de setembro. 

O Xardín Botánico do Concello de Culleredo acollerá este sábado, 4 de setembro e desde as 11:00 horas, o programa de actividades dentro do proxecto "Mestura no Camiño", financiado pola Xunta de Galicia, e cuxo obxectivo é o de facilitar a relación entre a poboación e a cultura, posibilitando o desenvolvemento e a participación social, así como o intercambio de experiencias vividas no Camiño Inglés. Este proxecto forma parte do programa ‘O Teu Xacobeo’ da Xunta de Galicia.

Nace unha nova campaña, Quero Culleredo, que dará comezo o 6 de setembro e repartirá 2000 euros en tarxetas regalo