O Concello de Culleredo prepara a solicitude ante a convocatoria de axudas lanzada polo Estado polos efectos dos pasados temporais. De entre os danos provocados polo mal tempo no municipio destacan os sucedidos no paseo do río Trabe, en concreto na contorna do campo de fútbol do Burgo.

O monte Xalo prepárase para acoller o vindeiro domingo, 30 de marzo, a cuarta edición do Descenso do Xalo. Será a primeira proba do Open Galego de descenso de bicicleta de montaña, polo que reunirá a deportistas de renome desta modalidade a nivel nacional.

Os veciños de Culleredo contarán con importantes novidades asociadas ao servizo de augas. Unha factura renovada, con máis información, ou unha nova web específica para o municipio incrementarán as funcionalidades para o usuario.

Culleredo celebra este sábado, 22 de marzo, a segunda edición do Día do Patín, unha festa da patinaxe artística pensada para toda a familia. O II Día do Patín terá lugar no polideportivo municipal de Tarrío, en horario de 11.00 a 13.00 horas. O evento está pensado tanto para nenos como para adultos.

A Concellaría de Sanidade xunto coa Asociación de usuarios de bancos, caixas e seguros (ADICAE) organizan o taller "Reclamacións máis comúns en materia de consumo". Será o xoves 20 ás 19.30 horas en Vila Melania.

A Asociación Española de Afectados por Mieloma, Linfoma e Leucemia (AEAL), coa colaboración do Concello de Culleredo leva a cabo, dentro do seu programa de actividades, un grupo de apoio psicolóxico dirixido a afectados por cancro e familiares.

O Concello de Culleredo abre a convocatoria de inscrición na segunda edición os campamentos urbanos de primavera, que terán lugar nas vacacións de Se,ama Santa. O prazo para formalizar a inscrición comprenderá entre o 17 e o 28 de marzo.

Ata o 20 de marzo permanece aberto o prazo para a presentación das solicitudes de admisión correspondentes ao curso escolar 2014-2015. Para apoiar ás familias cullerdenses neste procedemento, o Concello de Culleredo ofrece información e asesoramento desde a Concellería de Educación.

O Concello formou ás forzas de seguridade do municipio como mediadores ante condutas adictivas. A iniciativa implicará o establecemento dunha colaboración permanente entre Policía Local e Garda Civil con Servizos Sociais para levar a cabo funciones de prevención e actuación ante calquera tipo de adicción.