O sábado 26 de abril, Culleredo celebrará o XII encontro de corais. Organizada pola Concellaría de Educación, esta iniciativa, que se ven desenvolvendo todos os meses de abril desde fai xa 12 anos co gallo da chegada da primavera, pretende servir de encontro de distintas corais para intercambiar e compartir as aprendizaxes que adquiriron os alumnos e alumnas ao longo do ano, así como de espazo de divertimento.

Dende a Concellería de Cultura, Deportes de Participación Cidadá e a Concellería de Benestar Social e Promoción Económica desenvolverase durante dous venres ao mes, a partir do venres 25 de abril, en horario de 9.30h a 11.30h, un programa de visitas culturais dirixida aos alumnos do Centro Ocupacional. Estas visitas serán guiadas polo historiador do Concello anque o alumnado irá acompañado dos seus monitores.