O CRA de Culleredo, centro público para alumnado de Educación Infantil de 3 a 6 anos composto por catro escolas do Concello de Culleredo, comeza as súas xornadas de portas abertas o próximo 28 de xaneiro. Estas xornadas de portas abertas estenderanse ata o próximo 28 de febreiro.

As citas para concertar unha visita pódense solicitar a través do correo electrónico cra.culleredo@edu.xunta.gal ou chamando por teléfono ao 981 66 20 94. As visitas realizaranse de forma individualizada con cada unha das familias que soliciten cita.

Composto pola escola A Choeira, a escola de Sésamo, a escola de Ledoño e a escola de Vinseira, o CRA Culleredo traballa nunha contorna natural con grupos reducidos de rapazas e rapaces. Conta con profesorado especializado en educación infantil, inglés, audición e linguaxe, educación física, música e relixión.