PROXECTO CENTRO OCUPACIONAL MUNICIPAL "A Escada"

DEFINICIÓN E XUSTIFICACIÓN

O Centro Ocupacional "A Escada" é un centro de carácter formativo e prelaboral para persoas adultas con discapacidade intelectual media, no que se contempla o fomento de habilidades laborais, de terapia ocupacional e de axuste persoal; orientándose ao emprego ordinario, ou a emprego en empresas protexidas como Centros Especiais de Emprego.

Doutra banda foméntanse actividades convivenciais que favorecen a socialización das persoas con discapacidade intelectual, a participación das súas familias neste proceso, e de todos eles no seu medio.

CALENDARIO FORMATIVO:

De xaneiro a decembro

• Luns e mércores: De 9:00 a 17:00 (xántase no Centro)
• Martes, xoves e venres: De 9:00 a 14:00

ACCIÓNS NO CENTRO OCUPACIONAL "A ESCADA"

Accións de adestramento en hábitos laborais:

• Obradoiros de artesanía: Obradoiros de papelería, pasta de papel, encadernación, xoiaría de abalorios...
• Venda dos produtos elaborados nos obradoiros

Obradoiros de habilidades sociais e da vida diaria:

• Cociña, actividades domésticas (mercado, limpeza...) e de hixiene
• Educación viaria. 
• Saídas polo barrio para a realaización de xestións da vida cotiá: mercar, xestión en bancos, etc
• Visitas a lugares de interese cultural

Obradorios de actividades deportivas:

• Natación
• Ioga
• Ximnasia

Obradoiros de habilidades artísticas:

• Teatro
• Pintura

Obradoiros de habilidades tecnolóxicas:

• Achegamento á informática.

Accións de seguemento pedagóxico:

• Titorías pedagóxicas: Seguemento e orientacións aos rapaces e rapazas en todas as actividades que se realizan no centro.
• Titorías psicolóxicas: Apoio psicolóxico tanto aos mzos e mozas do centro como ás súas familias ou no caso de resolución de conflitos.
• Coordinación do centro coa familia:

Xuntanzas coa familia: Reunión de inicio de curso onde se explica as actividades que se van realizar ao longo do curso.

Reunión a remate de curso para abordar temas como a clausura e o campamento de verán.

• Obradoiros familia: Sesións trimestrais formativas cos familiares.

PERSOAS DESTINANTARIAS

Persoas con discapacidade intelectual de grao lixeiro ou medio que necesitan dun espazo, provisional ou definitivo, para a súa formación e ocupación sociolaboral. As condicións de acceso son as seguintes:

• Estar empadroado/a no concello de Culleredo
• Posuír o certificado oficial de minusvalía.
• Ter esgotado todas as posibilidades de integración no sistema educativo regrado.
• Non presentar trastornos graves de personalidade ou conduta.
• Non padecer trastornos físicos que excedan a capacidade de recursos humanos e de infraestructura do Centro.

A EQUIPA

Unha pedagoga dirixe o centro quen xunto coa monitora dos obradoiros e o persoal colaborador (psicóloga, persoal de prácticas, voluntariado, etc) desenvolven o programa anual de centro.