O Concello de Culleredo aposta de novo por proporcionar aos veciños unha alternativa de lecer infantil durante as vacacións escolares de Nadal. O Burgo acollerá un campamento urbano do 22 de decembro ao 7 de xaneiro, fóra de fins de semana, festivos e 24 e 31, dirixido a nenos e nenas de 3 a 12 anos de idade.

As vindeiras datas previstas para a tramitación do DNI no Concello de Culleredo son o 17 e 18 novembro, en horario de 9:00 a 12:30 horas, nas oficinas municipais de Vilaboa, sitas no Pazo Villa Melania.

O Concello de Culleredo organiza un taller, en nivel de perfeccionamento, de lingua de signos. Para asistir é necesario acreditar que se posúe nivel básico. A formación terá lugar en Vilaboa, no pazo de Vila Melania, desde 13 de outubro ao 1 de decembro.

Publicación das listaxes de admitidos/as nas actividades de benestar social do Concello para o período de outubro de 2014 ata xuño de 2015.

O Concello presenta un amplo programa de actividades de benestar con 34 grupos, en diferentes horarios, e distintos centros sociais da zona urbana e tamén da rural.

O Concello de Culleredo lanza un amplo plan de formación incrementar a capacitación e así promover a inserción laboral de veciños que se atopen en situación de desemprego.O programa conta con 289 horas e 148 prazas en modalidades elixidas segundo as necesidades do mercado laboral. Inscrición do 1 ao 5 de setembro.

O Concello de Culleredo lanza unha ampla programación infantil para o mes de agosto. Haberá actividades tanto na Biblioteca de Vilaboa como no centro social do Burgo. Os pequenos poderán gozar de diferentes obradoiros, adaptados aos diferentes rangos de idade.

Obradoiros de contos, contacontos ou biblioxogos conforman a programación da biblioteca municipal para o ms de marzo. As actividades teñen lugar en Villa Melania (Vilaboa).

O Concello de Culleredo presenta un novo programa de Entroido que busca dar resposta aos intereses dos veciños de todas as idades. A celebración do Entroido de Culleredo terá unha tripla vertente: para nenos, para maiores e a tradicional Romaría de San Blas en Veiga, coa esperada lectura do testamento.