O Concello de Culleredo organiza o sábado 11 de xuño o seu emblemático Festival de Patinaxe Artística, que chega á edición XXIII. Será ás 17.00 horas no polideportivo do Burgo.

Aberta a inscrición nos campamentos deportivos da Deputación, que serán en Culleredo. A quenda comprenderá do 19 ao 25 de agosto, dirixida a idades de 9 a 14.

O Concello de Culleredo ten aberta a convocatoria para a solicitude de uso de instalacións deportivas para a tempada 2017 - 2018.

O Concello de Culleredo potencia a ría do Burgo como espazo para a práctica deportiva. Tras a estrea o ano pasado con kaiaks, nesta ocasión aproveitará a lagoa de Fonteculler para impartir unha formación en piragüismo. A inscrición xa está aberta.

O paseo marítimo do Burgo será escenario o próximo 14 de maio da VI Carreira pola Ría do Burgo, cita que cada ano acolle a un maior número de runners de toda Galicia. A proba, organizada polo Concello de Culleredo, está incluída no circuíto de carreiras populares da Deputación da Coruña e conta coa colaboración da Federación Galega de Atletismo.

O XIX Campionato de Tute do Concello de Culleredo comezou coa primeira tanda da primeira xornada. O venres 28 de abril ás 21.00 horas en Celas proseguirase coa segunda quenda.

O Concello de Culleredo comeza a fase final do seu XIX Campionato de Tute. Reunirá a 64 parellas procedentes de diferentes parroquias. A primeira xornada será o venres 21 ás 21.00 horas no Bar Lamelas de Celas.

Os escolares de 9 e 10 anos de Culleredo vivirán o domingo, 26 de marzo, a súa primeira Copa Escolar. Será no polideportivo do CEIP Ría do Burgo e contará coa participación de pequenos dese colexio e do Sofía Casanova, Isaac Díaz Pardo, Tarrío e Ponte Pasaxe.

O Campionato Galego de Descenso chega esta fin de semana, do 4 e 5 de marzo, a Culleredo, coa celebración do VI Descenso do Xalo, unha das probas estrela da tempada que reunirá a ducias de deportistas.