Culleredo converteuse onte na capital galega do teatro, coa gala final do I Certame de Teatro Afeccionado do Concello. O goberno local destaca que se trata do único certame destas características, a nivel nacional, da contorna.

O Concello de Culleredo celebra o domingo 30 de novembro a gala final do I Certame de Teatro Afeccionado, que desenvolve este año colaborando coa compañía de teatro El Ruiseñor. O acto será ás 19.00 horas no Conservatorio.

O I Certame Xuvenil de Teatro Afeccionado de Culleredo acolle este mes as representacións das cinco obras finalistas. Os actos teñen lugar os sábados no Conservatorio Municipal de Música, coa entrada gratuíta. O domingo 30 de novembro, ás 19:00 horas, terá lugar a gala final, coa entrega de premios

Culleredo prepárase para a súa tradicional exaltación da castaña. O Magosto Municipal, que organiza o Concello, terá lugar este sábado 8 de novembro no parque de Celas, desde as 18.00 horas, e prevese a degustación de máis de 500 quilos de castañas por un milleiro de persoas.

O Concello de Culleredo instala o xoves, 6 de novembro, unha nova exposición na Aula de Natureza do xardín botánico do Burgo. Trátase de "Aves e natureza na ría do Burgo", unha mostra fotográfica de Luis Andrés García Pérez e de Teresa García Meana.

O artista Luís Galán ofrece o xoves, 30 de outubro, un taller de ilustración vectorial. Os asistentes poderán aprender como trasladar o seu debuxo creativo a computador mediante esta técnica.Trátase dunha actividade encadrada na exposición "As Mariñas de nunca xamais", que organiza o Consorcio As Mariñas. O taller terá lugar en horario de 18.30 a 20.30 horas na aula de Natureza do Burgo.
 

O Concello de Culleredo informa de que xa se poden recoller no Edificio de Servizos Múltiples do Burgo as invitacións para a obra de teatro "Misión sapiens", que se representará o venres 24 de outubro, ás 20.30 horas, no Conservatorio Municipal de Música.

O Concello de Culleredo inicia este venres, 12 de setembro, a súa actividade de exposicións culturais. Nesta ocasión, recibe a mostra de pintura “Os non retratos”, da pintora Lidia Carrión. Poderase ver ata o 11 de outubro no Xardín Botánico do Burgo.

O goberno de Culleredo incrementa notablemente o seu programa de actividades culturais e deportivas. Máis de 1.500 prazas conforman a oferta do Concello, con aumento de grupos naquelas actividades que rexistran unha maior demanda.

O Concello de Culleredo abre unha nova exposición na aula de Natureza do Xardín Botánico do Burgo. Nesta ocasión, a mostra exhibirá as fotografías dunha veciña do municipio, que relata con elas as súas vivencias no poboado xitano de O Carqueixo, en Lugo.