A asociación cultural Bonsái Coruña e o Concello de Culleredo organizan este mes unha nova edición dos talleres de coidado de bonsáis. Celebraranse na Aula de Natureza do Burgo este domingo 13 (primeira edición) e o domingo 20 de marzo (segunda edición). O horario das sesións comprenderá entre as 10.30 e as 13.30 horas.

O curso ten unha cota de 20 asistentes para cada edición, que se cubrirán por orde de solicitude. As inscricións efectuaranse na Concellaría de Cultura de Culleredo, sita no Edificio de Servizos Múltiples, mediante o teléfono 981 665 597 ou o mail cultura@culleredo.es.

O obxectivo da actividade consiste en impartir unha formación básica para iniciarse no mundo do bonsái, dunha forma eminentemente práctica. Os participantes deberán levar consigo o seu bonsái, sendo o curso totalmente gratuíto.