O Concello de Culleredo abre o xoves 23 de abril o prazo de solicitude para participar na Feira de Artesanía, que se celebrará o 17 de maio na praza Europa do Burgo con motivo do Día das Letras Galegas. A actividade está organizada pola Concellaría de Cultura.
As persoas interesadas poderán presentar a súa solicitude ata o 30 de abril ás 14:00 horas, mediante o envío da ficha correspondente ao correo electrónico habilitado, acompañada dun dossier ou material gráfico dos produtos. Está dirixida preferentemente a artesáns e artesás con produción propia.
Haberá un máximo de 35 postos, ampliables en caso de alta demanda. A lista de persoas admitidas comunicarase o 5 de maio.
Para efectuar a solicitude, é necesario encher o formulario e envialo a feira.artesania@culleredo.es.