O Concello de Culleredo volve apostar, un ano máis, por ofrecer ás familias do municipio unha alternativa de lecer educativo durante as vacacións escolares de Nadal. Con este obxectivo, a área de Cultura, Educación, Deportes e Participación Cidadá pon en marcha o campamento “A Misión da Garda do Nadal”, pensado para facilitar a conciliación nos fogares durante estas datas. 

 

A iniciativa está dirixida a nenas e nenos de entre 3 e 12 anos, matriculados en Educación Infantil ou Educación Primaria. O campamento desenvolverase no CEIP Vila de Rutis os días 22, 23, 24, 26, 29, 30 e 31 de decembro, así como os días 2, 5 e 7 de xaneiro, en horario de 9:00 a 14:00 horas. Tamén se ofrecerán servizos complementarios de almorzo, con horario de 7:30 a 9:00 horas, e de xantar, con horario de 14:00 a 16:00 horas. 

 

O prazo de preinscrición abrirase o luns 24 de novembro ás 9:00 horas e permanecerá dispoñible ata o 28 de novembro ás 14:00 horas. Este ano increméntase o número de prazas, que pasará a ser de 120 participantes. Terán preferencia as persoas empadroadas en Culleredo que acrediten debidamente a necesidade de conciliación. A lista de persoas admitidas publicarase o 3 de decembro. 

 

Toda a información, así como o formulario de preinscrición, pode consultarse na páxina web oficial do programa: