ES / GL

Realización dunha proba de funcionamento de sirenas de aviso dos PEP de Galicia o martes 17 de xuño

10 Xuño, 2025. 16:31

Información pública

O martes 17 de xuño ás 12:00 horas realizarase unha proba de funcionamento de sirenas de aviso dos Plans de Emerxencia de Presas (PEP) de Galicia.

Ao situarse o Concello de Culleredo dentro da área de afección da primeira media hora da rotura dalgunha presa, neste caso a de Cecebre, realizarase esta proba para comprobar o funcionamento correcto do sistema.

O PEP forma parte do plan especial de Protección Civil ante o risco de Inundacións en Galicia, INUNGAL, aprobado polo Consello da Xunta de Galicia na súa reunión de 26 de setembro de 2016 e publicado mediante a Resolución do 4 de outubro de 2016.

En caso de rotura inminente da presa (Escenario 3), o Director do PEP debe ordenar a activación dos avisos acústicos á poboación e informará con carácter inmediato ao CECOP a través do CIAE112, que comunicará a situación aos medios e recursos previstos segundo procedemento.

Para garantir a operatividade dos sistemas de aviso, coma todos os anos, vaise a levar a cabo unha proba de funcionamento de sirenas neste mes de xuño cun dobre obxectivo: que a poboación das zonas afectadas xunto cos medios e recursos adscritos ao plan INUNGAL se familiaricen co son da sirena, e comprobar o correcto funcionamento dos sistemas mecánicos e software de activación.