Os técnicos municipais, realizaron hoxe a inspección e avaliación de danos ocasionados por esta obra no edificio da Avenida de Rutis, que afectou ao subministro de auga e de luz pública.

Para evitar riscos, e dadas as inclemencias meteorolóxicas, procedeuse a cortar a vía en ambos sentidos de circulación na Avenida de Rutis, diante da obra.

O Concello instou á empresa construtora do edificio a que tome medidas de maneira inmediata co obxectivo de asegurar a zona.

O servizo de auga xa está restablecido e volvendo á normalidade, mentres que rede eléctrica da iluminación pública está parcialmente danada debido á caída dun poste de luz, polo que hai varios puntos de luz públicos afectados.

A empresa dispoñía do mapa de conducións de redes e de servizos, polo que tiña que ter tomado medidas para evitar esta incidencia. O Concello de Culleredo procederá a abrir expediente á empresa.