O servizo de Xuventude, a través do CIPAX -Centro de informacion e Participación Xuvenil do Concello de Culleredo- lanza o curso de monitor/a de actividades de lecer e Tempo libre, que constará de 350 horas (200 teóricas e 150 practicas). Comezará o 10 de abril do 2021cun horario de 9:00 a14:00 horas e de 15:30 a 20:30 horas. Os sábados e domingos, será de 9:00 a14:00 horas e de 16:00 a 20:00 horas.

Pódense  inscribir tod@s as persoas que, na data do 10 de abril de 2021, teñan 18 anos cumpridos ata 35 anos, en posesión da titulación da ESO, graduado escolar ou equivalente. O total de prazas ofertadas será de 15 cun  minino 10 para realizar o curso.Terán prioridade na adxudicación de prazas os/as empadroadas/os no Concello de Culleredo.

O período de inscrición de solicitudes será desde as 9.00 horas o mércores 3 de marzo até as 20.00 h do martes 16 de Marzo 2021. O número de prazas 15, tendo prioridade os empadroados no Concello de Culleredo. No caso de superar o número de prazas ofertadas, realizarase un sorteo entres os pre-inscritos.

Unha vez finalizada a adxudicación, comunicaráselles ás persoas interesadas (mediante un correo electrónico ou por teléfono) a súa participación no curso. Consulta as bases adxuntas nesta nova.