Xa se publicou o programa de actividades infantís ata decembro para as bibliotecas municipais 'Manuel González Garcés' (O Burgo) e 'Xosé Cardeso Liñares' (Vilaboa), que comezarán no mes de outubro.

Todas as semanas os nenos e nenas do Concello de Culleredo disporán dunha ou varias propostas de ocio. A oferta de actividades inclúe:

• Contacontos coa Dragona Ramona (a partir de 3 anos).
• Contos en inglés (a partir de 4 anos).
• Biblioxogos (a partir de 9 anos).
• Obradoiro de contos (de 5 a 8 anos).
• Contos para bebés (de 0 a 3 anos).
• Obradoiros de cociña (de 8 a 11 anos).

Todas estas actividades se levarán a cabo polas tardes ás 18:30 horas, agás 'contos para bebés' que será ás 17 horas e o obradoiro de cociña do 28 de decembro que se celebrará ás 11 da mañá xa que os máis pequenos se atopan nas súas vacacións do Nadal.

Tanto os obradoiros como os 'biblioxogos' requiren inscrición previa, que se poderá formalizar na mesma semana na que se leve a cabo a actividade.

Adxuntamos o calendario das actividades ata decembro: