O goberno municipal inicia as obras de reforma do parque infantil de Tarrío

O Concello de Culleredo comezou os traballos de remodelación do parque infantil de Tarrío. Trátase dunha das actuacións programadas polo goberno municipal para mellorar estas infraestruturas, que son utilizadas a diario por decenas de familias do municipio.

O concelleiro de Obras, Narciso Marzoa, explica que neste caso a actuación consiste na instalación dun novo chan de caucho que garanta unha maior seguridade aos pequenos usuarios do parque. Ata agora o recinto contaba con chan de area, polo que o goberno local, atendendo ás peticións trasladadas polos veciños de Tarrío, decidiu a súa substitución.

As máquinas da empresa adxudicataria procederon xa á retirada dos xogos infantís e elementos de mobiliario urbano, que serán repostos unha vez colocado o novo chan. A realización deste proxecto conta cun orzamento de preto de 10.000 euros, con financiamento da Deputación da Coruña.

Marzoa apunta que o parque infantil de Tarrío, situado no centro do núcleo, xunto ao consultorio médico, concentra cada día aos nenos da zona ao ser un dos principais espazos para o esparexemento. Por iso, o Concello buscou o financiamento e emprendeu a actuación, que estará acabada nas próximas semanas.


Instalación de cubertas en 2014

A modernización dos parques infantís de Culleredo será unha constante en 2014. O proxecto de orzamentos recentemente aprobado contén un ambicioso plan para cubrir parte dos parques infantís e así ampliar o seu horario de uso, especialmente durante o outono e inverno.

O Concello levará a cabo unha primeira fase deste proxecto nos 5 parques con maior afluencia do municipio. Se o resultado é satisfactorio, o goberno local continuará o plan en anos sucesivos cubrindo máis parques.

En 2014, os parques que se cubrirán son:

  • Parque infantil da praza de Europa (O Burgo)
  • Parque infantil do paseo Tierno Galván (O Burgo)
  • Parque infantil de praza da igrexa de Vilaboa
  • Parque infantil da Sagrada Familia (Vilaboa)
  • Parque infantil José Prieto (A Corveira)

Este plan suporá un investimento de 257.000 euros. O goberno de Culleredo decidiu apostar por esta iniciativa para crear así instalacións infantís pioneiras e dar resposta ás necesidades dos veciños.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina