Dende a Concellaría de Benestar Social ponse en marcha o programa para a primavera e verán do Centro Municipal de Maiores. Este programa estase a presentar na xuntanza cos delegados parroquiais que tivo lugar na Asemblea Xeral.

Ademais de manterse nas distintas parroquias as actividades trimestrais que xa veñen funcionando en cada centro social, a maiores introdúcense outras novas de interesse para os nosos maiores como son: "A túa árbore xenealóxica", "manexa o teu pulso", rotas de sendeirismo, "obradoiros de radio", "Cociña de verán: pratos fríos" .. e outras que teñen como obxectivo un envellecemento activo e un maior benestar por parte dos maiores de Culleredo.

Para inscribirse en calquera das actividades só teñen que acudir ao seu centro social ou ao Centro Municipal de Maiores (Casa Rosa do Burgo), ou ben chamando ao teléfono 981 665 335 deste centro.

Para máis información ver o arquivo que se achega