O Concello de Culleredo ten en exposición ao público dúas novas ordenanzas, aprobadas de forma inicial no pleno ordinario do mes de agosto. Os particulares interesados dispoñen de 30 días hábiles, desde a publicación do anuncio no BOP, para formular as reclamacións e suxestións que consideren oportunas.

O Concello de Culleredo prosegue con traballo, en materia sanitaria, co tecido asociativo. Nesta ocasión, e xunto coa Asociación de Parkinson, organiza unha marcha polo paseo marítimo do Burgo este venres, 19 de setembro.

O Concello de Culleredo conmemora o luns, 15 de setembro, o XI Día Mundial do Linfoma, de forma conxunta coa Asociación Española de linfoma, mieloma e leucemia (AEAL). Unha mesa informativa no paseo marítimo e un coloquio con hematólogos do CHUAC compoñen os actos.

O Concello de Culleredo inicia este venres, 12 de setembro, a súa actividade de exposicións culturais. Nesta ocasión, recibe a mostra de pintura “Os non retratos”, da pintora Lidia Carrión. Poderase ver ata o 11 de outubro no Xardín Botánico do Burgo.

O bo tempo impulsa o programa "Verán movidiño" que organiza a Concellaría de Sanidade de Culleredo. Desde o inicio do verán, os veciños están a aproveitar os espazos verdes do municipio para a exercitarse ao aire libre.

O goberno de Culleredo incrementa notablemente o seu programa de actividades culturais e deportivas. Máis de 1.500 prazas conforman a oferta do Concello, con aumento de grupos naquelas actividades que rexistran unha maior demanda.

Os servizos sociais constitúen a área prioritaria de actuación para o goberno municipal. Aínda que os servizos de asistencia e atención aos veciños son os que acaparan os maiores esforzos, as actividades sociais tamén supoñen importantes beneficios para todos os colectivos do municipio, e polo Concello presentou un amplo programa con 34 grupos.

O novo curso escolar comezará con melloras efectuadas polo Concello de Culleredo en todas as gardarías, escolas unitarias e colexios do municipio. Trátase dun conxunto de traballos de acondicionamento trasladados polos directores dos centros e que o Concello acomete para incrementar as prestacións aos alumnos.

O Concello de Culleredo celebrou a pasada fin de semana a conclusión das súas tradicionais competicións de fútbol. O Olímpico de Rutis e o Sporting Burgo levaron os trofeos nun gran ambiente entre xogadores e simpatizantes.

O club Aura e o Concello de Culleredo decidiron este ano promover un campus inclusivo, de tal forma que acolleu a pequenos con diversidade funcional, procedentes de entidades sociais que levan a cabo o seu labor no centro municipal asociativo da Escada