Culleredo busca 50 nenos e nenas para o cortexo de paxes e figurantes das Súas Maxestades na Cabalgata de Reis

Os nenos e nenas de Culleredo poderán ser paxes e acompañantes das Súas Maxestades de Oriente, os Reis Magos, na cabalgata que percorrerá o municipio o 5 de xaneiro de 2027. O Concello abrirá o próximo 23 de novembro a inscrición para participar como figurantes no desfile, con 50 prazas para menores de entre 8 e 10 anos a data de 1 de xaneiro de 2027.
 
As solicitudes poden presentarse desde as 9.00 horas do 23 de novembro ata as 00.00 horas do 2 de decembro a través da sede electrónica do Concello. Hai que achegar o impreso de participación, dispoñible na web municipal. Débese presentar unha solicitude por cada menor, tamén no caso de irmáns e irmás.
 
A lista provisional de admitidos publicarase o 7 de decembro no taboleiro do Centro Municipal Pablo Picasso, e a definitiva, o 11 de decembro. Os nenos e nenas empadroados en Culleredo terán preferencia e, se hai máis solicitudes que prazas, as prazas repartiranse por sorteo.
 
O sorteo terá lugar o 15 de decembro ás 11:00 horas no Centro Municipal Pablo Picasso. Cada solicitude recibirá un número e, a partir do que saia no sorteo, asignaráselle a cada figurante a súa carroza, empezando polas tres reais e seguindo polas de animación. Unha vez feito o reparto, non se poderán facer cambios.
 
Despois do sorteo, as familias recibirán un correo electrónico co lugar, o día e a hora para recoller o vestiario. Ademais, crearase unha lista de espera para cubrir posibles baixas. Se algún figurante admitido non pode participar, deberá comunicalo canto antes ao correo turismo@culleredo.es.
 
Para máis información, as persoas interesadas poden poñerse en contacto co servizo de Dinamización Local no teléfono 981 664 204, ou ben consultar as bases e o formulario de inscrición aquí debaixo:
Vista previaAdxuntoTamaño
Bases de participación na cabalgata de 202742.1 KB
Formulario de inscrición: cabalgata de 2027115.05 KB

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina