O Concello de Culleredo informa de que o venres, día 18 de setembro de 2026, celebrarase o sorteo público para a adxudicación de prazas das Actividades municipais culturais e deportivas 2026/2027.

Terá lugar na Sala de Vídeo do Auditorio do Edificio de Servizos Múltiples do Burgo a partir das 10:00 horas.

O sorteo determinará tanto as persoas que obteñen praza como a orde na lista de agarda que quedará para cubrir as posibles prazas vacantes que se produzan en cada grupo. 

Para efectos deste sorteo, as persoas empadroadas no Concello de Culleredo terán sempre prioridade sobre as non empadroadas. Non se terá en conta ningún outro criterio para establecer prioridade.

As listas, unha vez feito o sorteo, publicaranse ao longo do día tanto na páxina web do Concello de Culleredo como no Edificio de Servizos Múltiples.