O Concello de Culleredo recibirá o luns, 5 de xaneiro, os Reis Magos. Na zona urbana terá lugar a tradicional cabalgata. Haberá festas infantiles e os máis pequenos poderán formularlle as súas peticións ás Súas Maxestades de Oriente.

A cabalgata sairá ás 17.00 horas desde a avenida Juan Carlos I e pasará por Anxo Senra, Mosteiro de Carracedo, Praza de Galicia, Ribados, Hersa, Sanjurjo de Carricarte, Costa da Lonxa, Avenida de Vilaboa, Sagrada Familia, Vila Melania, Electo Carballo, O Portádego, As Brañas, Fonteculler, Acea de Ama e Praza Europa.

Ao paso por Vila Melania celebrarase a primeira recepción aos Reis. Na Praza Europa terá lugar a segunda recepción ao final do percorrido.

Ese mesmo día, os Reis Magos visitarán os centros sociais do municipio: ás 17:00 horas en O Noso Lar, con animación infantil desde as 16:30 horas; ás 17:45 horas en Orro; ás 18:10 horas en Ledoño; ás 18:45 horas en Sueiro; ás 19:20 horas en Sésamo; ás 20:00 horas en Castelo; e ás 20:30 horas en Celas, con animación infantil desde as 18:30 horas.

Carpas de Nadal, desde o 2 de xaneiro

As carpas de Nadal do Concello de Culleredo volverán ser un dos grandes atractivos, con xogos, inchables e obradoiros na praza Europa e en Vila Melania os días 2, 3, 4 e 5 de xaneiro, de 17:00 a 20:00 horas.