O Concello de Culleredo, a través da área de Xuventude, convida aos mozos e mozas a participar nos sorteos diarios do #AdventoCIPAX, que comezan o luns 9 de decembro e rematan o día de Reis, 6 de xaneiro.

Realizaranse sorteos semanais de luns a venres durante 21 días nos que a xuventude poderá gañar unha variedade de premios, entre eles unha tablet, un tocadiscos, xogos ou suadoiros.

Cada día publicarase un novo sorteo cun prazo de participación de 24 horas. Os gañadores e gañadoras anunciaranse semanalmente na web municipal e nas canles oficiais de Xuventude Culleredo.

O modo de participación será a través das canles oficiais do CIPAX (Facebook, X e Instagram).

As persoas interesadas en formar parte destes sorteos deberán mencionar a un amigo ou amiga nas publicacións de redes sociais, responder ás preguntas formuladas ou contestar cunha imaxe cando así se solicite, ademais de seguir os perfís oficiais de Xuventude Culleredo

Consulta as bases no arquivo .pdf adxunto nesta nova.