O Concello de Culleredo, a través da área de Xuventude, organiza este sábado, 6 de maio, a ‘Festa da Xuventude’, que acollerá a Chaira do Paseo Marítimo do Burgo con actividades baseadas na cultura urbana.

Así, as e os mozos maiores de 12 anos poderán participar en talleres e adestramentos de parkour, demostracións de breaking e tamén aprender máis sobre o stencil e o cap paint.

Dará comezo ás 20:00 horas da tarde e haberá unha carpa habilitada en caso de condicións meteorolóxicas adversas. A partir das 22:00 horas, haberá sesión de DJ e pista de baile aberta. A asistencia é libre, sen necesidade de inscrición.